الاصدقاء و الزملاء
الفترة اللي فاتت كانت اكتر فترة مكثفة بالاحداث في حياتي, بس كمان كانت اكتر فترة حسيت فيها بانتماء و حب للبلد دي.
لو كنتوا موجودين يوم الأربعاء و انا شايفة شباب صغيرين بيمشوا بشجاعة يواجهوا رصاص حي و هم كل اللي في ايديهم حجارة وخردة مرمية بيحاولوا يحموا نفسهم بيها كنتو اكيد هتتأكدوا - لو كنتوا شاكين- ان دول ناس نازلة تجيب حقها و حق اهلها باستماتة.
وانا هناك 5 ماتوا . ده يوم الأربعاء, يعني بعد خطاب مبارك بساعات.
مافيش حاجة عملها مبارك في حياته تخليني للحظة اديله ثقتي, بس في ليلة واحد الشباب و العائلات اللي هناك في ميدان التحرير عملوا حاجات كتيرة تخليني اثق فيهم لاخر الطريق
انا عشت هناك طول الفترة اللي فاتت فمش محتاجة دليل على ان الناس اللي في ميدان التحرير مش عملاء, و مش مضحوك عليها, و مش بيدعوا لخراب البلد, دول ناس رايحة تثور على الفساد اللي كلنا بنشتكي منه من زمان و تجيبلنا حقوقنا.
لو ماكنتوش اتفرجتوا على العاشرة م النهاردة اللي استضافت الشاب وائل غنيم اللي كان محتجز لمدة 12 يوم و لسة خارج. و هو المسئول عن صفحة " كلنا خالد سعيد" على الفيسبوك و اللي ابتدت منها الدعوة ليوم 25 يناير, يا ريت تشوفوها
روابط لجزأين من الحلقة
يا ريت تساندونا في ثورتنا لاستعادة بلدنا. في يوم من الايام هنقدر نحكي لاولادنا و احفادنا اننا كنا جزأ من ثورة 25 يناير
منى
هناك ٣ تعليقات:
اليوم لأول مرة في الشغل حتى زملائي الغير مهتمين بالسياسة والبليدين.. خليتهم يحضرو المقابلة على يوتيوب وصارو يبكو ودمّعو وطول اليوم بسألو "شو صار بمصر.. شو الأخبار"
WE ARE WITH YOU
and here's two videos from today's protest in front of the embassy
http://www.facebook.com/video/video.php?v=10150103660953839
http://www.facebook.com/video/video.php?v=10150103670488839
مصر طول عمرها كده.. تنااااااام. وتقوم تكسر الدنيا. اليوم كل انسان يتمنى أن يكون مصريا.
Unfortunately I cannot read Arabics buth after tonite news, I am still holding my hearth for all the families and people in Egypt and hope things will turn for good as soon as possible. You deserve it, your country deserves it and we cannot do much except fighting our own dictators.
Barbara from Italy
إرسال تعليق