الاثنين، نوفمبر ٠٧، ٢٠١١

علاء اللي هم ما يعرفوهوش!

في كل قصة جديدة عن ظلم العسكر دايما بأدور على تفصيلة تخليني أتبنى الموضوع بشكل شخصي. حاجة صغيرة تشبك وجعهم بوجعي و تخللي معركتنا واحدة. 

المرة دي مش محتاجة أفتش على تفاصيل  لشخصنة القضية. المرة دي القضية مني, و الوجع محبوس جوايا:  أنا منى سيف أخت علاء عبد الفتاح.  أخويا في السجن ظلم!



ماما بتحكيلي ان أول ما اتولدت هو قرر ان أنا بتاعته.
 كان بيقعد يستقبل الضيوف اللي جايين يشوفوا المولود الجديد و يقولهم بكل ألاطة " أتفضلوا استنوها, النونو لسة نايمة"
و كمان بتحكيلي اني كنت دايما انا و هو ناقر و نقير, لكن أول ما حد يدوسله على طرف أتجنن و اتحول فجأة لمحامية بتدافع عنه.


أخويا علمني التمرد من و أنا صغيرة.
أول مرة شاركت في مظاهرة كانت مظاهرة بقيادته. كنت في تانية ابتدائي, و مدير المدرسة قرر يقفل علينا البوابات عقابا للطلاب كلهم على حاجة ضايقته. مش فاكرة التفاصيل, بس فاكرة ان أخويا و أصحابه عملوا مظاهرة, و فجأة كلنا كنا بنتظاهر و بنطالب بفتح البوابات عشان نروح. و نجحنا وفتحوا البوابة و كان ده أول انتصار ليا على تعسف السلطة :)

المضحك كمان ان من أول الحاجات اللي علمني أتمرد عليها هي شرب السجاير. مش ان أنا أتمرد و أشرب سجاير, بالعكس أن أنا ما أشربهاش. 
ماما و بابا بيشربوا سجاير بشراهة. و من صغري علاء معلمني ان دي حاجة " يع جدا " و مش حلوة. قاللي حاجات كتير على انها مضرة بالصحة و بتضيع الفلوس, بس اللي أنا فاكراه كويس انها كانت فرصة للتمرد على أهلي. علاء اتفق معايا ان احنا نرفض نشتريلهم سجاير, أو نجيبلهم السجاير و الطفاية لما يبقوا بعاد عن متناول أيديهم. و فضلت دي لعبتنا و أنا صغيرة . بابا يقوللي " اشتريلي علبة سوبر و انتي تحت يا منى" و أنا أرد عليه بكل تحدي " لا يا بابا , احنا ضد السجاير" :)

اللي بيتكلموا عن أخويا و يتهموه بانه شمام, أو انه خاين, عمرهم ما أدوا نفسهم فرصة يعرفوا أو يفهموا علاء الحقيقي.

عمرهم ما شافوا علاء اللي أول ما قرأ عن الشهيدة أميرة عيط لأنه شاف فيها أخته الصغيرة سناء, و اتوجع.
عمرهم ما شافوا علاء اللي قابل منال و هو عنده 15 سنة, و حبوا بعض و من ساعتها الحاجة الوحيدة اللي فرقتهم مرة كان ظلم مبارك, و المرة دي ظلم جنرالات مبارك
عمرهم ما شافوا علاء الأخ اللي اخته الوسطانية  قعدت سنين تتمرد على وصفها ب " أخت علاء" و أما خلال الثورة انقلبت لأوضاع و الناس بقوا ساعات بيشيروا له ب " أخو منى " كان رده انه فخور بالتسمية دي.
عمرهم ما شافوا علاء اللي كان مقرر هو و منال ما يخلفوش عيال في بلد قاسية زي دي, رغم حبهم للأطفال, لكن يوم تنحي مبارك أعلنوا للعائلة أنهم قرروا يخلفوا. لو ولد هيسموه خالد على اسم خالد سعيد, و لو بنت هيسموها سالي على اسم سالي زهران.


عمرهم ما هيفهموا يا علاء , لا  العسكر, ولا سبايدر, و لا حنان خواسك, ولا محمد ماهر ولا مرتضى منصور ولا أي حد من اللي تخلوا عن ضمايرهم على أعتاب ميدان التحرير. اللي يقرأ كلامك و ما يتعرفش على الانسان اللي ورا الكلام, يبقى مش عايز يفهم و أختار الضلمة و الظلم و هو مفتح عينيه.

يا مينا، مصر الميدان هشة ممكن رصاصة واحدة طائشة تطيح بها.. يا مينا، مصر الميدان قوية ممكن حضن واحد ينقذها.. يا مينا، فى حضرتك فهمت تعاليم الأنبياء، متى يفهم العسكر؟


منى - أخت علاء
7 نوفمبر 2011
في السجن اللي خارج أسوار طرة

هناك ٧٦ تعليقًا:

بيروت يقول...

أبكيتني :) سيعود سالمًا و يسلم الوطن

غير معرف يقول...

قرات كلماتك بدموع عينى اللتى انهمرت
عرفت منك علاء اللذى لم يعرفوه
احببت علاء اكثر مما كنت احبه
ياااارب على كل ظالم
http://hesho4henda.blogspot.com/2011/11/blog-post_07.html

غير معرف يقول...

Mona be reassured that your brother addaha we odoud as long as he has a sister like you, a wife like Manal, parents like yours and friends that believe in him. He will outpass this and become a symbol of freedom..I am optimistic although I know how hard these days must be for all of you. May God be merciful...Love...MR

غير معرف يقول...

لمستي قلبي بقوه بعد ان كان عقلي معكم من بدايه الثورة. ان شاء الله يفك أسره و أسر مصر كلها و تجتمعوا مع بعض كلكم ولا تتفرقوا ابدا

FarahS يقول...

قطعتي قلبنا يا منى :( :(

fateimaD يقول...

ان شاء الله ربنا يمن علي علاء وكل عائلته بالفرج ويرزقه من الخير كله ويجعل له من كل ضيق مخرج ومن كل هم فرج وان شاء الله تمنحه هذه الشده قوه ولأي وجلد ابنتي مني عزيزك عزيز علي كثر لكنكم الأعز والاقرب اللهم اطوي لهم المسافات واكسر لهم الحواجز وافتح لهم ابواب رحمتك ومن عليهم واحسن لهم انك سميع مجيب الدعاء اللهم تقبل اللهم استجب

غير معرف يقول...

علاء ربنا يرجعه هو وكل المعتقلين لحبايبهم .. تابعت علاء ومنال منذ ظهورهم وكأنها عشرة عمر ؛اختلفت معهم لكن احترمتهم ..

غير معرف يقول...

انا من قريه فى بنى سويف بعيده شوية عن الاحداث بس طول عمرى وانا عارف وشايف الظلم وطول عمرى سلبى وشكلى هكمل كده بس احب اقول لابو وام علاء انتوا عرفتوا تربوا صح واحب اقول لعلاء ومنى ومنال اوعوا تندموا على اى معاناه بسبب رأيكم ( فوالله قلوبنا معكم وان كانت سيوف سلبيتنا عليكم) - ان استيقظت ضمائرنا فبسببكم فأكملوا المسيره -

غير معرف يقول...

انا من قريه فى بنى سويف بعيده شوية عن الاحداث بس طول عمرى وانا عارف وشايف الظلم وطول عمرى سلبى وشكلى هكمل كده بس احب اقول لابو وام علاء انتوا عرفتوا تربوا صح واحب اقول لعلاء ومنى ومنال اوعوا تندموا على اى معاناه بسبب رأيكم ( فوالله قلوبنا معكم وان كانت سيوف سلبيتنا عليكم) - ان استيقظت ضمائرنا فبسببكم فأكملوا المسيره -

د. جمال يوسف يقول...

رأيتكما فى تويت ندوة بميدان التحرير وأحببتكما كأبنائى، وعرفت سبب هذا الإحساس بعد قراءة كلماتك فإزداد حبى لكما وشاهدت فيديو لعلاء ومنال فإزداد إحترامى لوالدك ووالدتك، عندما تشتد تنفرج، تلك هى الكربة وأظنها تنفرج قريباً بإذن الله

Ragi Hanna يقول...

اشعر اننا اتربينا سوا
عللا مشلوحده كلنا معاة
ربنا يرحمنا و يكتبلنا الحرية

Eng Ayman Elarian يقول...

حرام عليكي يامنى بجد اكتر من قاسيه التدوينه دى

والله بكيت

Ahmed El.Hussaini يقول...

يا رب يرجع بالسلامة إن شاء الله

غير معرف يقول...

بصي في ناس بتوصفني باني فلول لاني متعاطف مع مبارك وبحترمه
بس انا برضوا بحترم علاء بجد والله بتمناله الحرية والعدالة مش قادر افصلهم عن بعض لو علاء حدف طوبة علي جندي مصري او ساهم في ضرب جندي كل زنبه انه اتواجد في المكان ده لان الاوامر بتعته انه يحمي مبني التلفزيون يبقي انا اسف لازم ياخد العدل
بجد انا اسف علي المك كا اخت والم عيلته ومراته وطفله الي ان شاء الله يجي ويلاقي ابه مستنيه بس بجد لو انا اتعلمت من اول الثورة فهي ان العدالة اهم من كل شي
علاء متهم لو القضاء براءه هشيله فوق راسي

Marianne Magdy يقول...

الدموع اقوي من الرد,,, يا أخت علاء :)

Effective يقول...

اااه يا قلبي..في ناس كتييير غير العسكر وعبيده عارفين علاء الحقيقي وبيدعوله كل يوم.ولما يخرج ان شاء الله هنعرفه أكتر وهنعرفه وهوا أب وهنعرف خالد كمان..وان شاء الله في النهاية كل شئ هيكون بخير وأول حاجة هتبقي بخير هيا الثورة ومصر ان شاء الله.

monasosh يقول...

كلامك كنت هاحطه على راسي من فوق لوكان علاء بيتحاكم أمام قضاء نزيه و عادل. عمر ماكان مطلبنا اننا ما نتحاكمش لو كان في شبهة خطأ احنا ارتكبناه. لكن أنا شفت بعيني شاب فعلا ما عملش حاجة و اتحكم عليه ب 5 سنين سجن بس عشان كان في اعتصام. الشاب اسمه عمرو البحيري و موجود دلوقتي في السجن. ما عنديش سبب يخليني أصدق في القضاء العسكري. القضاء العسكري ظالم و فاسد و المجلس بيستخدمه لفرض تصوراته و قمعنا.

ENG.D يقول...

يسقط يسقط حكم العسكر

غير معرف يقول...

أسمع عن علاء من زمان لكن عمرى ما شوفته لكن مش عارف لية لما شوفته حبيته رغم أنى كنت معتقد أنه شيطان بسبب وصف أصدقاء ليا عنه , بس كل دة عرفت أنه كدب لما شوفته أول مرة فى تويت ندوة , بجد أنسان و واضح أنه طيب بيخبى قلبه الطيب خلف هزاره و أبتسمته إللى مبتفارقهوش , بسبب ناس زاى علاء بتتحرر البلاد و تنهض و تتقدم

Mamin يقول...

معلش معلش :-(

مينا يقول...

هيرجع بالسلامة
و هو هيبقى وسط بلدة و العسكر هيسثط و هيمشي منها
يسقط حكم العسكر
يسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكر

أحمد يقول...

يااااااه المنظور الانساني في الحكم على الأمور ، والتفاصيل الصغيرة

وحشتني الحاجات دي أوي يا منى
وكلامك اداني إحساس بالدفئ ، حتى لو كنا زي ما بتقولي في السجن اللي خارج أسوار طرة !

علاء خارج ان شاء الله ، وهتفرحي بخروجه
أنا كنت محبوس في نفس الفترة دي من أمن دولة مبارك ، وبرده مقتضش العيد مع أهلي ،والحمد لله السنة ملفتش إلا و أنا خرجت ومبارك هو اللي اتحبس ، و إن شاء الله علاء يخرج ، وجنرلات مبارك هما اللي يتحبسوا

غير معرف يقول...

يسقط حكم العسكر
يسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكريسقط حكم العسكر
#noSCAF
Yes to freedom, equality, human rights, civil liberties, & brotherly love!!

دعاء الشبيني يقول...

ربنا يرجعهولك بالسلامة يا منى بإذن الله

Fadwa يقول...

ربنا معاكم.. هيطلع قريب و يحضر ولادة خالد كمان،، قضيته هي اللي هتجيب اخر للمحاكمات العسكرية ان شاء الله، ما هو ما يجيبها الا رجالها و مفيش أحسن من علاء للمهمه دي .. اعتبروه في مهمه لمصر و راجع قريب ان شاء الله

غير معرف يقول...

حكم العسكر دائما ظالم- ولابد للظلم( الليل) أن ينقشع- علاء بطل وكلنا علاء- ومادام الأمل موجود ستبصر عيون المصريين المغمضة أو التي لم تبصر بعد على الحقيقة ألا وهي - يسقط حكم العسكر- وكلنا ضد المحاكمات العسكرية للمدنيين

yoyo mosta7el يقول...

منى يا أعظم محامية دفاع شفتها لحد دلوقتى

احنا كدة كلنا عرفنا علاء خلاص
ومن قبل ما تكتبى صدقينى عمرنا ما هنتخلى عن قضيته
يكفروا اللى يكفروه ويخونوا اللى يخوونوه
خلاص ما هما بقوا قضاه البلد دلوقتى جهلائها

علاء زى ما نوارة بتقول .. الدكر بتاع مصر
ايوه علاء هو اللى رافع راس مصر دلوقتى ومعاه ناس كتير أوى فى السجون

قولى الحمد لله يا منى
الحمد لله انه اختار اخوكى انت علشان يبقى رمز للقوة والصمود والنضال و ( الجهاد ) ضد الظلم

الحمد لله ربنا اللى احنا بنحاول نعبده وإحنا مدركين كويس إننا عباده ( عباااده ) مش متحكمين فى أمر العباد زى ما هما فاكرين نفسهم

واحد من الناس يقول...

ممكن تحكي لنا عن قصص دكرنا الهمام في مساعدة الفقراء وعن مساعدة الأخوة الفلسطنيين

dazzlepop يقول...

فعلا لقد أبكيتني ..
ان شاء الله ستشرق شمس حرية علاء عن قريب جدا ...علاء لم يعرف الخوف طريقه اليه من صغره ..ولن يعرفه اليوم أو غدا ابدا

غير معرف يقول...

كده يامنى هو احنا ناقصين حزن ووجع أن شاء الله علاء راجع و مكانه هنحط كل الطواغيت و الظلمة

غير معرف يقول...

Well this is amazing ! Alaa will be free soon isA :)

neveen يقول...

ان شاء الله يخرج من السجن هو وكل اللى مسجونين ظلم واللى سجنهم نحطه فى السجن مكانهم--- كل الناس بيحترموا علاء ومنى أخت علاء وبيكرهوا ويحتقروا الظلمة والكاذبين والعسكر اللى مستقويين بالسلطة- الله أكبر منهم كلهم- حيطلع قريب يا منى بعد ما يطلعنا كلنا من السجن الكبير - سجن الظلم والكذب والنفاق- ربنا معاكم وقلوبنا معاكم

Unknown يقول...

مش عارف اقولك ايه صارحة يا منى ... انتم مميزين جداً .... و وقت علاء في السجن رغم انه صعب لكنه هيعمل فرق كبير

يا مينا، مصر الميدان هشة ممكن رصاصة واحدة طائشة تطيح بها.. يا مينا، مصر الميدان قوية ممكن حضن واحد ينقذها.. يا مينا، فى حضرتك فهمت تعاليم الأنبياء، متى يفهم العسكر؟

يسقط يسقط حكم العسكر ....

ahmedsalah750 يقول...

يسقط يسقط حكم العسكر احنا الشعب الخط الاحمؤ

الحلم العربي يقول...

يا منى ..مين اللى يقدر ساعة يحبس مصر؟ ..و لا حد

غير معرف يقول...

Nov. 18 Don't worry

خواطر مصطفى دسوقى يقول...

اتحدى خوفك اهزم ظروفك الحر انت هو الاسير جلاد وواطى وعبيد كراسى انت الشهامه انت الرجوله بس النداله هى المشير
ربنا معاك يا علاء وربنا معاكم يا رب والله العظيم العيد ما كان له طعم بسبب موضوع علاء وضحايا حكم عسكر مبارك حسبى الله ونعم الوكيل فيهم

larry nabil يقول...

مش قادر أقول ولا كلمة يا مني :(

اشرف فرحات يقول...

يمكن كلامى يكون دمه ثقيل لكن...يا اخواناليه موش قادرين تفهمواانماحدش من المصريين(اللى انا منهم)ممكن يعتبر الاعتداءعلى قوات(مصريه)بتحمى منشات حيويه مصريه نضال مشروع..طيب ايه موقف منى لو كان اخوها مجند واصيباو استشهدفى اعتداءات مماثله؟عفوا انا بعتبر (ام محمد)بياعة الخضار فى شارعنا اللى بتربى خمسة ابناءلوحدهاولم تتوقف عن العمل حتى فى ايام الحظر هى المناضله الحقيقيه حتى لو كانت ماتعرفش تكتب تدوينه مؤثره زى منى اخت علاء وماتعرفش تقول كلام بليغ مايفهموش المصريين الغلابه فى الفضائيات

غير معرف يقول...

I really do wish that Egypt had a million Alaa and million Mona, tell your brother to hold on and keep his head up

monasosh يقول...

أستاذ أشرف

بما انك جبت سيرة أم محمد. يا ريت تشرفنا بكرة أو أي وقت تاني و أعرفك على أم أحمد , ام محمد خالد و أم حسن و غيرهم كتير, ولادهم متاخدين ظلم و اتحكم عليهم في محاكمات عسكرية و في السجن دلوقتي.
ماحدش فينا بيطالب أن لو حد مننا أخطأ ما يتحاكمش, لكن بنطالب بحق كل واحد فينا ( بما فيهم حضرتك و أم محمد ) في محاكمة عادلة أمام قاضي طبيعي عشان يبقى في فرصة لو حد فينا مظلوم تثبت براءته.

القضاء العسكري قضاء غير نزيه , يستخدم من قبل المجلس العسكري لفرض تصوراته و لقمع أي حد ينتقده. و الحقيقة المؤسفة ان الضحايا الأكثر مش علاء أخويا اللي الكل بيتكلموا عنه, لكن قطاعات كبيرة من المواطنين اللي من خلفيات اجتماعية متواضعة اكتر و ماكانوش مشاركين في الثورة أصلا و ماحدش مهتم يتكلم عن معاناتهم.

الاتهامات اللي موجهة لأخويا باطلة. محضر التحريات اللي فيه الاتهامات اتعمل في 17 أكتوبر, علاء جاله الاستدعاء يوم 23 أكتوبر, و كان مسافر و طلب من المحاميين الأجل و رجع و راح بمحض ارادته التحقيق. لو علاء كان مذنب ما كانش رجع. و لو النيابة العسكرية كان فعلا مصدقة انه "استولى على سلاح الي من القوات المسلحة" ما كانتش صبرت عليه كل الايام دي عادي كدة لو فارق معاها فعلا أمن المواطنين.


تحياتي

رشا عبدالله يقول...

يا منى.. إيه أم الاحساس ده؟:)) مش قادرة أبطل عياط وانا أساسا عارفة علاء.. والله أنتم عيلة مافيش زيها وعلمتونا حب الوطن بالفعل وليس بالقول فقط.. إن شاء الله علاء حيطلع قريب جدا وحنحتفل احتفال كبير.. ويسقط يسقط حكم العسكر

Yosra El Lozy يقول...

Dear Mona,
I have been away from Egypt for a few days. however, Alaa along with the 12,000 detainees have been on my mind constantly. Khaled Aboul Naga and I attended a film festival in Brussels and we used this situation to talk about all the detainees. Been wanting to send you this as a msg on twitter but i realized you dont follow me, sohttp://www.france24.com/ar/node/737581?utm_source=dlvr.it&utm_medium=twitter
what you wrote made me cry..you really are a great sister and human being. love, Yosra

Unknown يقول...

الله يلعن أبو حكم العسكر على إل يتشدد لحكم العسكر ... على قد ما تدوينتك وجعتنا على قد ما حاتقوينا وإحنا بنقول يسقط يسقط حكم العسكر لحد ما ننتصر علي ظلم المحاكمات العسكرية الزفت عليهم وعلى دماغهم

غير معرف يقول...

مش قادة أوقف دموعي :'(
الي مزعلني قوي كمان إن ده حصل بعد الثورة :(

Nermen ElSaber يقول...

ربنا يرجعهولكم بالسلامة ويارب ويجيب حرية مصر على ايديه وايدين الرجالة الحقيقيين اللي زيه..
حرية الوطن مش ببلاش.. وان شاء الله "كل ليل من بعده صباح"

AHMED SAMIR يقول...

اللي بيحصل لعلاء سيبقى وساما على صدره
و سيحكيه للأجيال القادمة بفخر
لا تبتأسي ...دي مجرد شدة و ستزول سريعا
انا متأكد انه هيخرج من الشدة دي اقوى و اكثر صلابة ان شاء الله

حنان (معرفة أزمة مصر والجزائر!) يقول...

يا للوجع! على فكرة يا منى انا مكنتش أعرف ان علاء اخوكي غير وقت الثورة..وفعلا ساعات كنت بأقول "علاء أخو منى" :))..انا بجد سعيدة اني اعرفك ولو من بعيد..حضن كبير..وولا يهمك..يا بنتي انتو عيلة يا بختوكو ببعض! يكفيكو هذا فعلا

غير معرف يقول...

٢٥ سنة انشاء الله
اخوكي واحد زبالة

غير معرف يقول...

وإنت الحر لو بالقيد ومنك خوف سجانك
http://www.youtube.com/watch?v=ZR39MqnRkKA

نيفين يقول...

Will you believe me if I told you that ever since Alaa was imprisoned,I feel guilty when I go to bed every night,knowing that he's in jail.You should be proud of him,because of the inner transformation he has done in our lives.Hope that all our prayers will penetrate heaven,.Be strong,as we all need to be,in order to conquer all this evil :)

,ورشة الكتابة الابداعية الايروتيكيةُEroticworkshop يقول...

اسعدتيني هذا الصباح بكتاباتك

,ورشة الكتابة الابداعية الايروتيكيةُEroticworkshop يقول...

احيانا الواحد يصحى الصبح قرفان لاسباب غامضة ..معظمها مترسب من الأخبار اللي بيشوفها ويسمعها ويتابعها .. وبعدين بيروح واقع على مدونة زي تناتيف .. فيتغير مزاجه ويبقى احسن عشان بيكتشف ان هناك ناس في الدنيا مهمتها عدل مزاج الدنيا وتظبيط مزاج الخلق بمجرد اصرارها انها تكتب اشياء مبهجة وفيها أمل

Ahmad Hegab يقول...

قولي للفراشه اللي وقفت قدام الدبابه ماتخفش علي الاسد اللي في سجن العسكر , أخوكي مجدع يا مني و راجل علي حق , يا بختك بيه

غير معرف يقول...

مش لاقى كلام بتقال , ياااااااارب ارفع الظلم عن كل المظلومين وفرج همومهم

غير معرف يقول...

مصر تحتاج إلى مائة أسرة مثل هذه لكي تنتصر الثورة وتشرق الشمس... حي على النضال

غير معرف يقول...

لكل ظالم يوم ولكل ليل فجر......
ربنا معكم يا ابطال

غير معرف يقول...

فكري في ابن علاء وابنك وابن كل مصري لما يكبر في حرية وكرامة ويتعلم انه لازم يقول الحق وينصر المظلوم , هاتعرفي ان الوجع يستاهل الصبر , ربنا معاكي ومع ماما ومعانا كلنا

دينا نايل يقول...

علاء مش محتاج رأي كل المنافقين دول علاء محتاج اننا منخزلوش ونكمل ويكفي انه وراه منى سيف وليلى سويف وأحمد سيف الاسلام قديس هذا الزمان.

Ghazalivitch يقول...

مش قادر اوصف كم الاعجاب والانبهار بانسانة لسه بتبتدي حياتها وعندها كم الانسانية وحب الناس والوطن ده, فعلا يا مني انتي انسانة رائعة, متخفيش علي علاء ده راجل ودكر علي راي نوارة ميتخفش عليه, بشوف فيه قصص الشهامة والرجولة بتاعة الصعايدية - اللي للاسف انقرضت دلوقتي -اللي كنت بسمع عليها وازاي كانوا بينصروا المظلوم وبيقفوا جنبه ضد الظالم مهما كان منصبه ومقامه

Hunter يقول...

" المصبية ليست في ظلم الأشرار بل في صمت الأخيار " لوثر كينغ .
مواطن مدنى + قضاء عسكر = قطر الظلم ينتظر الجميع اليوم علاء غدا كل حر

غير معرف يقول...

I am sure that he will be home soon ISA. God will be by his side as he was in 2005, when conditions were much, much worse. Just keep him in your prayers. The power of Do3aa is not to be underestimated. It does miracles.

غير معرف يقول...

ان شاء الله ابنه سيفتخر بيه كما تفخرون بوالديكم الكرام ، ربنا يفك كربكم وكرب كل مظلوم

v يقول...

إن شاء الله هايخرج و اللي حبسوه يقعدوا في زنزانته

غير معرف يقول...

Unique , genuine,beautiful words.
We have to believe in the power of do3aa.

Mina Lamey يقول...

بصراحة المقالة رائعة ومؤثرة وانشاء الله هيرجع بالسلامة ليك ولمنال ويحضر ولادة خالد ويسقط حكم العسكر ولا للمحاكمات العسكرية

نور يقول...

:') تأثرت...
يسقطيسقط حكم العسكر..
حبيبي أحد ضحايا المحاكمات العسكرية..
بكرة هايرجع علاء.. و نفرح :)

a7madramadan يقول...

اللهم برحمتك فرج همه و فك أسره و اجمعه بعائلته يـــا أكرم الأكرمين ... انا اتكلمت مع علاء من اول يناير على التويتر حوالي 20-30 مرة و ليا أصدقاء كثير كل ما يسألوني انهم مش فاهمين التويتر و عاوزين يتابعوا اي حاجة عن احداث ثورتنا كنت باقولهم تابعوا علاء و منال و منى سيف و وائل غنيم ومجموعة أخرى .. حقيقي شاب محترم .. يسقط يسقط حكم العسكر

mrtonyalx يقول...

لــــو هــو مــظــلــوم ربـــنــا يــكــون مــعــاه و يـــرجــعـــه لأهـــــــلـــه بـــســـلامـــــــه ولـــو كــــــان يــــسـتـــحـــق ربـــنـــا يـــهـــديـــه ويـــســـامـــحـــه ويـــقـــويــــه و يـــرجــعــهــلــكــم بــألـــف ســــــــــــلامـــــــــــــــه

white paper يقول...

ان شاء الله سيعود سالما هو وكل المظلومين المدافعين عن حقوق الشعب
وعشانهم كلنا نازلين التحرير

بنوته حبوبه يقول...

يا حبيبتى ان الله لا يصلح عمل المفسدين
باذن الله هيطلع
قولى حسبنا الله ونعم الوكيل وربنا اللى اقوى من الكل هيجيبلك حقك

Unknown يقول...

"في كل قصة جديدة عن ظلم العسكر دايما بأدور على تفصيلة تخليني أتبنى الموضوع بشكل شخصي. حاجة صغيرة تشبك وجعهم بوجعي و تخللي معركتنا واحدة."

أنا كمان بعمل كده..من كتر ما عملت كده مع علاء بقيت حاسس إن أنا اللى مخطوف مع إنى ماعرفش علاء بشكل شخصى

يسقط يسقط حكم العسكر اللى خاطفين علاء وخاطفين مصر

كائن حي يقول...

علاء وامثاله هما الترموتر لحريتنا .. فضلوا محبوسين يعني حريتنا محبوسة وخسرنا القضية .. خرجوا تاني للنور .. يعني حريتنا في السما بترفرف قدام نور الشمس ..
علاء انت اللي حر وكلنا محبوسين :)

Essam يقول...

أنا أسف أني معرفتش علاء قبل كدة ... ربنا يرجعه بالسلامة ان شاء الله ...

غير معرف يقول...

beautiful and sensitive piece.. u seem like a lovely girl

dr.tamergalal يقول...

ربنا يفك اسره وكل المعتقلين يارب