بعد مناقشة معقطر الندى و بعد ما شفت من خلال تعليقات عندها و فى مدونات تانية, ميل كتير من الناس لانكار و تكذيب الللى ان البنات و الستات فى مصر بيتعرضوا لتحرشات جنسية بالبشاعة دى. قررت انه لازم نكسر جدار الصمت اللى حطيناه, و نحكى عن اللى بيحصلنا فعلا, عن ازاى بنشيل هم كل يوم نمشيه فى الشارع, أو نركب مواصلة عامة.
جايز لما الناس يشوفوا بعينينا قبح اللى بيحصلنا, يبقى ما فيش قدامهم حل غير انهم يصدقوا.
صعب الواحدة تحكى الحاجات دى, على الاقل بالنسبة لى صعب اوى, لأنه من كترالاهانة و الضعف اللى باحسه فى المواقف ديه, بابقى عايزة انا نفسى انكر حدوثهم, احطهم كلهم فى صندوق جوة دماغى اسميه "ماحصلش"
بس هاحكى
و انا عندى 9 سنين, واحد وقفنى فى الشارع يسألنى على الطريق لمكتبة, بهبلى المعتاد وقفت اوصفله, فجأة شالنى و حاول يبوسنى, و انا عمالة احاول افلفص. كان قدامى قهوة, و نادى فيديو. ماحدش اتحرك. اللى خلاه يرمينى و يجرى, انه كان معايا قريبتى اصغر منى, قعدت تشلت فيه و تصوت.
بعديها بفترة مش كبيرة, وقفنى راجل قد ابويا على سلم العمارة, و مسكنى و قعد يحسس على جسمى كله, كنت مرعوبة و مش اعرف اعمل اى حاجة, و اللى خلانى متسمرة مكانى ان كان معايا اتنين قرايبى اصغر منى و كنت خايفة حاجة تحصلهم, و كنت عمالة اقولهم اجروا اطلعوا فوق, بس هما كانوا واقفين متنحين.
باشترى الخضار من عربية فى الشارع, و الراجل بيفضى الخضار فى الكيس اللى انا ماسكاه, يلمس صدرى كأنه مش قاصد.
لما اركب اتوبيس و شاب يفتح سوستة الجيبة اللى ورا و يمد ايده
لما كنت ماشية فى الشارع, بابص على محلات, و فجأة الاقى ولد بيمد ايده و يمسك صدرى و يشده, و معاه يقطع زراير القميص اللى كنت لابساه, و الناحية التانية من الشارع اصحابه واقفين يضحكوا.
دلوقتى و انا باكتب افتكرت انا ليه بطلت سنين اركب ميكروباصات, من كتر ما زهقت من انا اتزحزح بعيد عن الولاد اللى بيزنقوا نحيتى, و اهبد ايد اللى قاعد ورايا و مزحلقها من ورا الكرسى. لسنين كنت باتنقل بس فى عربية السيدات فى المترو (اختراع عظيم) , و المشى مع مراعاة تفادى كل الناس و تجاهل اى كلام, و لول ضاقت الدنيا , تاكسى و امرى لله فى الفلوس
اما معاكسات الكلام, مالهاش نهاية. من اول " ايه البزاز دي" , ل " ممكن امصهم" , ل " هانيكك لحد ما تصوتى" ... الكلام ده لازم الواحدة تتمرن على تجاهله, كأن مافيش حاجة اتقالت. ماهو لو انا انهارت على كل كلمة حد هيقولهالى فى الشارع, يبقى ماخرجش من بيتنا خالص.
كل النلس اللى بتحمل البنت السبب, تفتكروا و انا عندى 8 سنين كان عندى احساس كافى بجسمى انا انزل الشارع و اغرى الرجالة؟
المعاكسات مش بتفرق بين طفلة, و بنت, و ست, ولا بتفرق بين محجبة و غيرها, الناس بتعاكس و خلاص.
انا فاكرة كويس اوى, و انا صغيرة , من كتر القذارة اللى شفتها فى الشارع, فى الفترة اللى جسم البنت بيبتدى يتغير و تبقى لسة بتحاول تتعامل مع التغيير, انا كنت كارهة جسمى, كنت بامشى مأتبة, بابعد عن اى حد فى الشارع, عندى تخيل ان كل حد هيحاول يلمسنى... حتى مدرسين مدرستى كنت باخاف اقرب منهم.
دلوقتى انا بامشى بسبراى دفاع عن النفس, بس انا مش عارفة المرة الجاية لمل حد يحاول يعملى حاجة, هاتصرف بسرعة و اطلع الاسبراى و ارشه؟ و لا هاتسمر مكانى؟ ولا هانهار و اقعد اعيط؟
انا عارفة ان الاختيار الاسهل عند ناس كتير انهم ينكروا اللى بيحصل, و يقنعوا نفسه انه مش حقيقى, بدل اما يحاولوا يتعاملوا مع حاجة موجودة فى كل حتة فى البلد, بين كل الاعمار, و بتزيد فى قبحها كل سنة.
بس ماهواش الاختيار الاسهل لينا احنا البنات, اللى لازم نمر بكل ده, و كمان نستحمل اننا لوحدينا فيه
جايز لما الناس يشوفوا بعينينا قبح اللى بيحصلنا, يبقى ما فيش قدامهم حل غير انهم يصدقوا.
صعب الواحدة تحكى الحاجات دى, على الاقل بالنسبة لى صعب اوى, لأنه من كترالاهانة و الضعف اللى باحسه فى المواقف ديه, بابقى عايزة انا نفسى انكر حدوثهم, احطهم كلهم فى صندوق جوة دماغى اسميه "ماحصلش"
بس هاحكى
و انا عندى 9 سنين, واحد وقفنى فى الشارع يسألنى على الطريق لمكتبة, بهبلى المعتاد وقفت اوصفله, فجأة شالنى و حاول يبوسنى, و انا عمالة احاول افلفص. كان قدامى قهوة, و نادى فيديو. ماحدش اتحرك. اللى خلاه يرمينى و يجرى, انه كان معايا قريبتى اصغر منى, قعدت تشلت فيه و تصوت.
بعديها بفترة مش كبيرة, وقفنى راجل قد ابويا على سلم العمارة, و مسكنى و قعد يحسس على جسمى كله, كنت مرعوبة و مش اعرف اعمل اى حاجة, و اللى خلانى متسمرة مكانى ان كان معايا اتنين قرايبى اصغر منى و كنت خايفة حاجة تحصلهم, و كنت عمالة اقولهم اجروا اطلعوا فوق, بس هما كانوا واقفين متنحين.
باشترى الخضار من عربية فى الشارع, و الراجل بيفضى الخضار فى الكيس اللى انا ماسكاه, يلمس صدرى كأنه مش قاصد.
لما اركب اتوبيس و شاب يفتح سوستة الجيبة اللى ورا و يمد ايده
لما كنت ماشية فى الشارع, بابص على محلات, و فجأة الاقى ولد بيمد ايده و يمسك صدرى و يشده, و معاه يقطع زراير القميص اللى كنت لابساه, و الناحية التانية من الشارع اصحابه واقفين يضحكوا.
دلوقتى و انا باكتب افتكرت انا ليه بطلت سنين اركب ميكروباصات, من كتر ما زهقت من انا اتزحزح بعيد عن الولاد اللى بيزنقوا نحيتى, و اهبد ايد اللى قاعد ورايا و مزحلقها من ورا الكرسى. لسنين كنت باتنقل بس فى عربية السيدات فى المترو (اختراع عظيم) , و المشى مع مراعاة تفادى كل الناس و تجاهل اى كلام, و لول ضاقت الدنيا , تاكسى و امرى لله فى الفلوس
اما معاكسات الكلام, مالهاش نهاية. من اول " ايه البزاز دي" , ل " ممكن امصهم" , ل " هانيكك لحد ما تصوتى" ... الكلام ده لازم الواحدة تتمرن على تجاهله, كأن مافيش حاجة اتقالت. ماهو لو انا انهارت على كل كلمة حد هيقولهالى فى الشارع, يبقى ماخرجش من بيتنا خالص.
كل النلس اللى بتحمل البنت السبب, تفتكروا و انا عندى 8 سنين كان عندى احساس كافى بجسمى انا انزل الشارع و اغرى الرجالة؟
المعاكسات مش بتفرق بين طفلة, و بنت, و ست, ولا بتفرق بين محجبة و غيرها, الناس بتعاكس و خلاص.
انا فاكرة كويس اوى, و انا صغيرة , من كتر القذارة اللى شفتها فى الشارع, فى الفترة اللى جسم البنت بيبتدى يتغير و تبقى لسة بتحاول تتعامل مع التغيير, انا كنت كارهة جسمى, كنت بامشى مأتبة, بابعد عن اى حد فى الشارع, عندى تخيل ان كل حد هيحاول يلمسنى... حتى مدرسين مدرستى كنت باخاف اقرب منهم.
دلوقتى انا بامشى بسبراى دفاع عن النفس, بس انا مش عارفة المرة الجاية لمل حد يحاول يعملى حاجة, هاتصرف بسرعة و اطلع الاسبراى و ارشه؟ و لا هاتسمر مكانى؟ ولا هانهار و اقعد اعيط؟
انا عارفة ان الاختيار الاسهل عند ناس كتير انهم ينكروا اللى بيحصل, و يقنعوا نفسه انه مش حقيقى, بدل اما يحاولوا يتعاملوا مع حاجة موجودة فى كل حتة فى البلد, بين كل الاعمار, و بتزيد فى قبحها كل سنة.
بس ماهواش الاختيار الاسهل لينا احنا البنات, اللى لازم نمر بكل ده, و كمان نستحمل اننا لوحدينا فيه
مدونات اخرى تخطت حاجز الصمت
هناك ٢٥ تعليقًا:
زيك مريت بفتره كنت بكره فيها جسمي بدل ماحول أتعرف على التغيرات اللي بتحصل فيه,فاطرة أول مرة لبست فيها سوتيان و كنت ماشية فرحانة و أنا عندي 13 سنة ة السخافات اللي أتعرضتلها و صلتني لأني أكون مأتبة لفترة و أبتديت أجيب سوتيانات ضيقة عشان صدري مايبنشي لغايط لمى أمي لاحظت الموضوع و أتدخلت عشان تخليني مرتاحة أكتر مع جسمي,
شكراً جدا يا معت على استجابتك لدعوتي ,أكيد أحنا الأقوى ولازم نحاول ننهي سلسلة الأهانة دي.
that's a comment i've already posted somewhere else as a reply to someone, ithought i'd copy it here , since it's within that context:
i am sorry it got u depressed, but it's the cruel truth.
it was so hard getting it out, and putting it into words, some incidents are blurred from the endlesss denial i have applied, i suppose in a way it's a merciful act that we can forget.
there were times when i used to have nigghtmares of strange ppl touching me. other times i'd be walking holding someone's hand, and all of a sudden i have this nightmarish mental image of someone else touching me, and i'd shudder away.
i am alot different now, alot better, i suppose with time u develop some sort of an immunity.
sorry for that, and i am glad u like my blog...promise u soon, i'll write you something nice and cheerful
موضوع جسمى وشخصيتى دا عمل معايا مشكلة كبيرة للدرجة انى كنت يعنى مش عارفة.. بس كارهه اليوم اللى اتولت فيه بنت
حقيقى.... عندى مشكلة مع الموضوع دة وبصراحة
والله العظيم لو حد كان بيتكلم ويقول لى الغلط والصح ماكنتش عرضت نفسى لمواقف مشابهه فى الأوتوبيسات بالذا من ناس استغفر الله العظيم يا معات
يبقى واقف و بتاعه بيحك فيكى وانا ايامها ما كنت فاهمة ايه اللى بيحصل وفاكرة الاخ مزنوق
انما اللى يشلك اكتر والله العظيم كميلة الانحطاط اللى بقى مالى الشعب، يعنى ماكنش فى حد يومها واقف وشايف ان الأج بيعمل شئ مخل بالآداب ومايزعقش ولا يقول له يا اخى احترم نفسك؟
طب انا واحدة جاهلة.. ولا حتى خايفة اقول له حاجة يطلع عليا مطوة ولا معرفش ايه.. ايه مافيش مرجلة ولا نخوة؟!
يعنى مش عايزة اقول ألفاظ مهينة وقليلة الحيا، بس فعلا انا مقروفة من العقول (الزبالة) دى
ربنا ياخدهم كلهم وعشان البلد تنضف
يا معت كل ما كنا نتكلم كنا نتشتم ونتبهدل ويتقال اننا بنات مش كويسين
بس لازم نكسر الحاجز ونتكلم والا حقنا هيضيع وهنبقي مجرد قطعه لحم جوا بق الاسد بيلوكها براحته
أولا أحييكي على شجاعتك أكيد الحكي مش سهل، أملي أن بعد ما أكثر من مدونة قبلك تحملت الغتاتة على التعليقات أن الموضوع يكون اتكسر و الناس تبطل تنكر و تبتدي تفهم حجم المشكلة.
Bgd a7ayyeky 3la shag3tek ..we 2asef geddan lel2alam elly 7assaity beeh wenty betkteby zekreyat zay keda ...
أول رد فعل ليه عند قراءة مدونتك هو تبريق عيني ودلدلة لسانة لمدة خمس دقائق، قد تقولين علي أعمي أو جي من كوكب تاني، لكني لم أتصور أبدا ان تصل المسألة لهذا الحد، أنا عارف ان السير في الشارع تجربا مرهقة لأي بنت في مصر لكني لم أتخيل أن التحرش الجسدي وليس اللفظي أصبح عاديا لهذه الدرجة
طبعا حتقولي ان انا بهفلط لو قلت اننا كلنا منتهكون في هذا الوطن بشكل أو بآخر لكن هذه هي الحقيقة. الحقيقة ان لا احد يحترم احد، لأن الإنسان المصري هانت عليه نفسه. كيف تتوقعين من شخص يحتقر نفسه أن يحترم الآخر؟
وبعدين العملية أصبحت كل مجموعة تطلع عين المجموعة المختلفة الأضعف منها، يعني ما يحدث من الرجال تجاه النساء هو نفسه ما يحدث من اصحاب السلطة تجاه عديمي السلطة ومن اصحاب المال تجاه الفقراء ومن الي ذلك (طبعا بالاضافة الي ما يتعرض له الاقباط) تحياتي الصادقة لك وان كنت اري ان المواجهة ليست مسئوليتك وحدك، كلنا ملتزمون بأخذ موقف جاد حيال ذلك ولعلها تكون بداية صحوة في الوعي المصري
مفيش بنت تقريبا ما اتعرضتش لشكل من اشكال التحرش حتى وهي طفلة ويمكن اول ادراكها لجسمها وطبيعته كانت من خلال نصائح الام التحذيرية التخويفية او من خلال موقف تحرش اتعرضت له وهي طفلة
احييك على شجاعتك في انك تتكلمي وتحكي وتستعيدي ذكريات انا عارفة قد ايه بتكون مزعجة ...
احنا النهاردة عايزين اكتر من كده عايزين اكتر من مجرد الكلام والحكي .. لازم يبقى فيه تصرف عملي نعمله عشان نرد على الكلاب السعرانة في الشوارع
we have to fight back
Lasto-adri *Blue*:
عارفة كويس احساس انك تبقى كارهة انك بنت من كتر اللى بيحصلك. علشان الناس مابتحكيش , كان بيتهيألى ساعات انه ده بيحصلى انا بس, و بالتالى لازم يكون فبه حاجة غلط فية انا تخلى ده يحصلى...الواحد بيكبر و بيتعلم
shaimaa:
ساعات بنتشتم و كتير يطلعونا احنا الغلط, بس على الاقل احنا دلوقتى واخدين بالنا كيس من الصورة كلها, و بكدة على قد ما نقدر, نحاول نوصل الصورة صح للبعدينا علشان ما يطلعوش زينا فاكرين ان هم اللى غلط, و هم حالة استثنائية...وتفضل الدايرة تلف
Alaa:
انت مش عارف قد ايه تشجيعك ليا ادانى دفعة
Captain L.J.Silver:
شكرا جدا على تفهمك. لمل الاقى الناس حاسة بيا كدة, و بيشاركونى, سواء بتشجيع, او بسرد ماقفهم..بيفرق اوى
عمر: مش عارفة اقولك ايه, اعتذرلك على ان انا فتحت عينيك للبيحصل بجد؟؟
انا موافقاك تماما على اننا ملنل ملزمين بالمقاومة, بس قادر تتخيل حلول للوضع ده؟ كل الحلول اللى بنقولها زى ما تقول كدة "وقاية" لكن مش علاج لاصل المشكلة
bluestone :
عندك اى اقتراحات لحلول عملية؟
yeah..
shit happens...alot !
most of the girls keep these things untold..(parents' fault)
not to mention that men who see these things happenning without interfering r pigs.
Best Solution. Speak Out!
Trust me, as a male, I am admitting to you, awareness is zero! Males who actually form 50% of society including the very educated and civilized ones have no idea on the magnitude of the problem. Share stories of other women who can't blog. Spread the word around. I advise forming a unified blog called, Harassment in Egypt for example, with all those stories posted and listed. Also a specific list of potential places where harassment is more likely to take place and what should be done to fight it off. A more unified blog handling this issue would make easier to report much faster on day-to-day harrassment.
Share with me what you think.
عندي كلمه عايز اقولها.. طبعا هو استعادتك للمواقف السيئة في حياتك دة شئ جميل واللي اجمل منه ودليل على ابداعك هو أنك قدرتي تعبري بيه عن طريق حروفك.. لكن عندي سؤال هو اه الصراحة مطلوبة لكن لما تكون مزعجة في شكل الالفاظ الصريحة دي " " ايه البزاز دي" , ل " ممكن امصهم" , ل " هانيكك لحد ما تصوتى" ... " بجد مبتكونش كويسه بالذات لما بتكون بنت
I was going to be sexually assaulted (though I was a boy) when I was like 7 or 8 years old. I thank God for the narrow escape. I remember this day like yesterday.
الواحد بجد اترج من داخل نفسه اوى كلامك فاكرنى بحاجات الذاكره كانت عامله لها ديليت لان ده حلها الوحيد فى مجتمعنا لان هاتقولى ازاى وحتى لو قلت ايه اللى هايحصل يعنى كلامك برضه وكلام البنات الاخريات اللى كتبوا بمنتهى الشجاعه شجع ان الواحد يكتب مش شرط عن حاجه حصلت معاى لان يعتبر هيافه بالنسبه اللكوارث ده هاكتب وهاقول يمكن نغير حاجه او حتى كفايه ان احنا صرخنا
اللهم ما ارحم بنات المسلمين
oh my from the damn tape i was hiding in my memory and your words brought it all back ... all the scum bags ... i was only 7 in my 1st time damn him i even didnt see his face
كل ماادخل واقرا تجربة حد كمان يملاني الغضب أكتر و أكتر وأكتر
ازاي حد بيعيش بعد ما يئذي طل كده
في 10 أيام من عمري فتحت فيهم بصيرتيعرفت فيهم أكتر من أيام القل كلها
ازاي أي واحدة بتثق وتحب بعد كلّ دا
اولا احب ابلغك انزعاجي من الحكايات ديه وانا في طريقي اني اعمل بحث عن تاريخ التحرش الجنسي في مصر من ايام جدي وستي لحد النهاردة والحقيقة انا بدعو كل واحد وخصوصا لو طالب جامعي انه يشترك في الابحاث اللي زي دي ومن خلالها نرصد وندون كل تغير وتطور حصل في الجريمة الاخلاقية الا وهي التحرش الجنسي
اننا على مر العصور وفيه معاكسات بس زمان في الستينات المعاكسات كانت بالكلام ومش كلام قبيح تنفر منه الأنثى
انما كان مثلا يا حلو يا جميل والنبي طعم
والكلام ده
لكنه كان لا يتعدى الغزل الصريح
انما الالفاظ اللي انتي ذكرتيها انا فعلا بسمعها وانا في اي شارع لكن بلاحظ ان الكلام ده بيتقال لبنت مش ملتزمة اقصد ان مشيتها مش اللي هيا وكمان لبسها كان كاشف لمفاتن جسمها وبالتالي اللي بيعاكسها بالالفاظ ديه لان مفاتنها بدت له واضحة.
انا مش بدافع عن الذكور وانا شاب يعني عشان مش تقولو تحيز ولا حاجة
انا معاكم ان في وسط البلد التحرش طال المحجبات كمان لكن كان معظمهم خليجيات
واعتقد ان الشباب في مصر بينظر للعرب وخصوصا الاناث منهم على انهم مش محترمين وحلال فيهم اللي حصل
وده راجع للافكار السيئة اللي كونوها من النت او من خلال اللي بتنشرو الجرائد عن الخليجيين
واعتقد كل ده بيساهم في انحلال المجتمعات
انا عاوز اقول كمان يا عزيزتي ان كلامك صحيح ومظبوط عن ان مش بس البالغين فقط اللي بيتعرضوا للتحرش او المعاكسة وانما الاطفال ايضا
لو نظرنا للمجتمع بتاعنا الضعيف ده
هنلاقي ان الكل مشارك في اللي حصل
الامن المصري مقصر مفيش كلام
وانا اتذكر ان واحدة سائحة امريكية على ما اعتقد اتعرضت لمحاولة ...مجرد محاولة تحرش ولد مصري شدها من التي شيرت بتاعها بس
بصينا لاقينا الامن كله اللي كان متواجد في الطريق وقتها وبتوع المرور كمان ومش عاوز اقولك بتوع النظافة كمان
جريوا على الولد ده وهاتك يا ضرب
وبعدين اخدوه في عربية الامن والله اعلم مصيره ايه لحد النهاردة
اذا المشكلة في الامن اللي شايف ان عرض السائحين في مصر اغلى من عرض المصريات
ان شرطة السياحة بتحمي السياح
وشرطة الشعب يوم التحرش ماحدش تدخل
كمان العيب على الشعب نفسه
كل واحد بيقول وانا مالي
والعيب كمان على البنت نفسها
طبعا لازم نقول الحقيقة وهيا ان ملابس البنات عملت للشباب روشة
خصوصا لما يكون شباب محروم
ومن هنا قولنا سعار جنسي
بس لما العملية تطول المحجبات والبنات اللي ماشية مع اهلها
يبقى لازم وقفة
ولازم كلنا نتحد ونقضي على السرطان ده قبل ما يدمر المجتمع اللي هو اصلا مش ناقص
يتدمر
قبل ما ولادنا يخافوا يخرجوا للشارع
بقول للبنت لمي نفسك
وانا صدقيني والله مش تحيز لكن بعض البنات بيثيروا الشباب لدرجة لا تتخيليها وانا بقولك اننا شعب بينتفض من الاستفزاز
وبقول للولد اللي بيعاكس ترضاها لامك واختك
وصدقني داين تدان ديه بجد مش هزار
وانا اذكر ان واحد كان بيعاكس بنت في مدرسة بنات وهما خارجين وبص شاف اخته ماشية مع ولد ايدها في ايده وهاتك يا ضحك
ساب البنات وجري على اخته ضربها
والله داين تدان
مين مننا ما عندوش عرض يخاف عليه
واذا كنت بتقول اه ارضاها يبقى انت عاوز تتربى وعلاجك موجود
وبقول للشعب بلاش تقول وانا مالي
اصل زي ما حصل قدامك لبنت ما تعرفهاش وسكت بكرة هيحصل لبنتك وبردو الناس هتسكت وتقول واحنا مالنا
وبقول للبنت بالله عليكي تبلغي عن اي تحرش وبلاش تقولي الفضيحة ومكسوفة لو سكتي عن تحرش هتشجعيم على اكتر من التحرش
وكمان مصر فيها ستات جدعه بيعرفوا يجيبوا حقهم كويس اوي
ياريت يورونا شطارتهم بقى
ويعلموا اي انسان قليل الادب يعلموه الادب
يعني اللي هيقل ادبه يخصوا
وربنا يكتر دبابيسهم
وابر التريكو
وياريت كل واحدة تشيل معاها اللوازم دي
وربنا يستر على البلد
wael elgazawey
انا عارفة ان الكلام يخض, بس اللى خلى الناس مش مصدقين قد ايه الوساخة اللى بنتعرض لها هو ان كلنل كنا مخضوضين و لمل بننقل التفاصيل بنتكسف منها, و بالتالى بنخفف حدتها بأننا نقول " اتقالنا كلام قذر فى الشارع" ...انا شايفة ان ده ما بقاش ينفع, و ان الطريقة الوحيدة اننا ننقل التفاصيل على حقيقتها القذرة
irc president
i thank u very much for confiding this, i can understand it wasn't easy
بوسى
مافيش حاجة ينفع نقول عليها هايفة, و اوعى تقارنى, بدال اما ضايقتك تبقى مش هايفة, و لالزم نساعد بعض نتكلم عنها, و نتغلب عليها لو امكن
truth
sorry for making u recall similarily painful situations
ابن مرّ
بنثق و نحب بعد ده كله لان عارفين ان مش كل الناس كدة, و عارفين ان لسة فيه ناس زيك كدة بيحسوا بالغضب لينا على اللى اتعرضناله
anonymous
كلامك لخبطنى جدا , حتت حسيت انى موافقة عليها, و حتت حسيت انى رافضاها رفض تام, بس الجملة اللى وقفتنى
"بس لما العملية تطول المحجبات والبنات اللي ماشية مع اهلها
يبقى لازم وقفة" ده معناه انه اللى مش محجبة تستاهل؟ المسيحيات يستاهلوا؟ حلال فيهم التحرش؟
الموضوع مش موضوع محجبة ولا لا, لمل يحصل ده لاى بنت فى الشارع يبقى لازم وقفة, ده اللى انا شايفاه
مش واجبنا نمشى نربى بعض فى الشارع, و اللى نشوفه مش متوافق مع قيمنا يبقى حلال قفيه اﻻى قذارة مننا
darling : ma3t
اولا : شكرا لردك عليا
وان كان كلامي لخبطك انا نفسي متلخبط من نفسي من ساعت اللي حصل
فاعذريني اذا كنت نقلتلك كل اللي جوايا يجوز كان بدون ترتيب وده لاني كنت ثائر جدا بعد ماتأكدت من اللي حصل وكمان صديق ليا ارسلي ملف فيديو بيصور بنت تم التحرش بها وتقطيع ملابسها في استاد القاهرة ايام مباريات كأس افريقيا الماضي
ثانيا:انا لما قولت " لما الموضوع يوصل للمحجبات واللي ماشين مع اهلهم يبقى محتاج وقفة " مش قصدت بكده ان المسيحيات حلال فيهم التحرش ولا حتى غير المحجبة تستاهل كده
انما انا قصدت ان المعروف ان الشباب كانوا بيتحرشوا ببنت لو سنحت لهم الفرصة ...يعني لو لوحدها ولو في مكان مزدحم ...والمعروف انه كان بيتحرش ببنت مثيرة او مظهرة انوثتها امام الجميع ...
وبالتالي من حقي اقول الكلمة ديه ان التحرش لما يوصل لمحجبة ...يعني انذار بالامبالاة والهمجية ...وكمان توصل لبنت مع اهلها ...يعني لا مبالاة وهمجية واجتراء يعني مش همه ايه اللي ممكن يحصله بعدها ....يعني زي اللي داخل يفجر نفسه بحزام ناسف في فلسطين ولا العراق
يبقى هنا الموضوع زاد عن حده ولازم وقفة او لازم تحرك فورا
من الشعب والرأي العام قبل الحكومة
لكن مش قصدي خالص ان غير المحجبة او اللي ماشية لوحدها يستاهلوا ابدا كده ...لسبب بسيط اوي -رغم اني ضد شكل البنات اليومين دوول اللي بيستفز بجد اي انسان مابالك بواحد اصلا هايج يعني هيعمل ايه - انما لاني شايف ان البنت عبارة عن مواطن مصري من حقه ينعم بالعيش في بلده آمنا سالما
ومن حقها تمشي في الشارع بحريتها مالم تتعدى على حرية الآخرين
انا صحيح ضد الشكل المستفز وانا بقصد بيه البنات اللي عاملة فيها رقاصة يعني مزوده الميكب اوي والبدي يظهر اكثر ما يستر وعاملة فيها شاكيرا بقولها ان الكلام ده لو انتي في بلد زي امريكا او اي دولة اوربية ماشي انتي حرة لكنك نسيتي انك في مجتمع شرقي وكمان مسلم والمجتمعات الشرقية علماء النفس الغرب بيصفوا شعوبهم بأنهم محرومين ولديهم رغبات مكبوتة
- لكن بالرغم من اني ضد الشكل المستفز انا كمان ضد الاعتداء على اي مواطن ايا كان الاعتداء
وبعدين اللي حصل هو انتهاك عرض بنات في شارع مصري بالظبط ده انتهاك عرض أرض مصر نفسها
وانتهاك عرض القانون الذي ضربوا به عرض الحائط وانتهاك عرض المصريين كلهم اللي سكتوا واتفرجوا
ومرة تانية يا عزيزتي صاحبة المدونة اعتذرلك ان كان كلامي مش مفهوم وحاولي ان تدركي انني اكتب هذا الكلام وانا في قمة اليأس والانفعال
ربما تظهر اثار الانفعال بين طيات السطور
ومرة تانية بشكرك على انك اتحتي ليا الفرصة دي اني اعبر عن رأيي
وهناك كلمة حق احب اقولها للمسيحيات عشان أثبتلك اني مش قصدت انه حلال في المسيحيات او غير المحجبات واعتقد اني شرحت موقفي , انه في كل عام تحديدا ليلة الاحتفال بقداس رأس السنة الميلادية في أي كنيسة صغيرة ...يذهب بعض الشباب المسلم وقد يصاحبه مسيحيين ويحشروا انفسهم بين المصليين في الكنيسة في اخر الصفوف بعد امتلاءها وهناك وفي وقت محدد الساعه 12 ليلا يبدأو التحرش بمن يجدوه امامهم من نساء وبنات مسيحيات ...الامر الذي يسهل عليهم هذه الجريمة هو ان بعض الكنائس تطفئ الانوار الساعه 12 ليلا تحديدا احتفالا بميلاد العام الجديد
فنحن يا عزيزتي لسنا بصدد الدفاع عن مسلم او مسيحي او محتشمة او غير محتمشة انما انا بصدد الدفاع عن مواطن مصري
من حقه ان يعيش سالما ايضا انا ادافع عن عرض مصر الذي تناوب المغتصبون عليها سياسيا واجتماعيا واخيرا اخلاقيا
تقبلي تحياتي
لكي الله يا مصـــــــر
فيلم التحرش الجماعى الشاذ ويظهر فى اخرالفيلم فتاة يحاولوا شباب خلع ملابسها بالقوة
http://www.youtube.com/watch?v=PYRr1G8f1SA
فى هذا الموقع
نفسى أفهم عقلية المتحرش دة !
يعنى دماغ اللى جايبين أهله فين ؟
أحا يعنى ... دة الواحد لما بيقرا الحاجات دى بيكره إنه ذكر وبيقرف من نفسه !!
أنا بجد مش عارف أقولك إيه !! أنا بجد لما بقرا الحاجات دى بحس إن دماغى حتفرقع وبتغلى :@:@:@
الأوسخ من كدة بقى هو التحرش من الأقارب :@:@:@@:@
دوول بجد عقابهم فعلا قدع أعضائهم التناسلية :@:@
انا مضايقنيش حاجه في الموضوع قد انك بتنزلي الشارع ككل يوم و انتي عندك احساس انك مستهدفه .....احا يعني و عايشه ازاي ...المشكله ان احنا نقدر نوصل حاجه زي دي لﻹعلام كويس و يعملوا عنها تغطيه كويسه بدل اعلانات الشرطه بتاعة كل يوم
إرسال تعليق