الثلاثاء، أكتوبر ٢٤، ٢٠٠٦

حاجة تقرف

بلغنى اتنين من اصدقائى من وسط البلد ان الولاد اجننت فى الشارع, و ان اى بنت معدية بيتزنق عليها و بتتقفش و ممكن تتقلع هدومها, و الناس فيها اللى بيتفرج و فيها اللى بيصور و فيها اللى مش عارف يعمل ايه.
و قال ايه الامن واقف محتاس و اما تسأل الظابط يقولك "دول عددهم كتير اوى مش عارف اتصرف" , يعنى لمل يبقى فيه كام واحد بيجعجعوا فى الشارع و بيتظاهروا فى امان الله , ننزل لهم الاف من الامن, لكن بناتك يا بلد تتقفش فى الشارع ما يتعملش حاجة.
الناس اللى شغالة فى المحلات نازلين بعصيان و بيحاولوا يحوشوا عن البنات, ولما بنت بتفلت و تركب تاكسى , الولاد يسدوا عليه الطريق و ينزلوها بالعافية.... ده اللى الناس اللى هناك شايفينوه و حكهولى.
عمرى ما فهمت فكرة ان فى رمضان نمشى نغض البصر, واخر ما نتمعظم نقول للبنت " انتى مش صايمة زينا برضه؟" او" اللهم انى صايم" , لكن اول ما رمضان يخلص, كأن كلاب هيجانة اتطلقت, و كأن كل شئ مباح
حاجة تقرف, و هى ديه نوعية الحاجات اللى بتطلع من جواية كم مرعب من الكراهية للبلد و ناسها و ابقى للحظات مش عايزة ابقى منها

اضافة: واضح انى اديت انطباع ان انا كنت هناك فحبيت اصححه, انا اتحذرت و بالتالى ما روحتش, الوصف اللى كتباه بناء على كلام اصدقاء كانوا هناك
سرد مفصل للا حداث عندمالك

هناك ٢٤ تعليقًا:

foxamr يقول...

اولا كل سنة و نات طيب ثانيا و ثالثا انا مابقتش احب العيد عشان كده
تنزل تشوف اخر قلة ادب في الشوارع من يوم الوقفة بلليل و بعد صلاة العيد
انزل شوف عند فرغلي اللي في اخر جامعة الدول الغربية و البنات بيتبهدلوا
بس ستاهلوا عشان هما عارفين كل ده و برضو بينزلوا و بيلبسوا فاضي
انا مابحبش اخرج في العيد عشان الحاجات الوسخة دي

AG يقول...

يستاهلوا إيه؟ إنت إما مش عارف ال حصل أو عارف ومش فاهم. اقرا مالك الأول.

Layaly يقول...

حلو جدا

monasosh يقول...

foxamr:
عارفة ايه اللى بيحصل فى جامعة الدول العربية, و بيحصل فى كل حتة فى البلد بس بدرجات متفاوتة.
لكن يعنى ايه يستاهلوا؟ انت قريت مدى الوساخة اللى وصلولها؟ اكيد مش عشان الناس قذرة فى تعاملها يبقى المفروض نحبس نفسنا فى البيت, و اللى تنزل يبقى زنبها على جنبها و تستاهل اللى يحصلها.
ماهو لو كل ولد مافى الشارع اتفعص فى بضانه , كان زمانهم عرفوا الاحساس البشع ده.
و بعدين ده بيقولك اى واحدة , ايا كانت لابسة ايه, اتبهدلت.

غير معرف يقول...

ده يثبت ان صوم رمضان لم يغير ما بداخل هؤلاء البهايم والحجاب لم يفرق معاهم ببصله وطبعا سيرد جهابذة التطرف بان البنات ملامة وانهم يجب ان يتنقبوا مافيش حاجة تتقال غير اننا رايحين في ستين داهية بسبب الدين وكل ما بنزود الجرعة الدينية كل حاجة تانية بتزيد السرقة النصب الدعارة المستترة طبعا راجع المسيار والفرند والهبه وخلافه مافيش فايده لازم نمر بكل مراحل التخلف والانحدار عشان نرجع تاني من الاول نطالب بحرية المراءة وحد زي قاسم امين وهدي شعراوي يبتدوا من الاول اسف للتطويل بس حاجة تقرف

غير معرف يقول...

طب احنا نعمل ايه لشوية الحيوانات اللى ماشيين فى الشارع دول يعنى
الاسلاميين كل شوية يطلعو يتهببو ويقولو لازم الحجاب والاسدال ومش عارف ايه
اهو الحجاب مسلمش منهم لان الفكرة مش فكرة حجاب دى فكرة ناس هايجين وخلاص على أى جسم أنثوى حاجة تقرف بجد
لما كنا ناقشنا الموضوع ده عندى وعند علاء وكنا طلعنا بحكاية ان البنت لازم تدافع عن نفسها وعلاء طلع افتكاسة الإبرة التريكو فى ناس كتير قالو ملوش لازمة العنف ومش عارف ايه
بس دلوقتى مفيش حل أدامنا غيره مدام هما بيستخدمو العنف يبقى بالجزمة بقى وكل اللى هيقرب من بنت هيتخصى والمرة دى بجد مش هزار

Unknown يقول...

I was among these people at 11:00, I was coming from Mansoura to West ElBalad. Those criminals were about to destroy the car.

There no sign of security though I heard from one of them shouting to run from the soldier. I saw a soldier with civil customes coming with a piece of iron.

I saw several girls crying and shouting and running. The weird thing is the abscence of the security forces in this vital region of Cairo, I wonder if there was an attempt to explode any University or Embassy what will be going on.

Egypt Camira يقول...

طول اليوم عمال اقرا على الموضوع ده وجالى كمية احباط ممتازة .. الدين جزء من المشكلة .. الناس بتعبد الدين مش بتعبد ربنا .. لو وصلنا لربنا هنعرف نسمو بالمبادئ لكن لو اتبعنا الدين هننفذ شوية قواعد شكلها كويس فى رمضان وبعد رمضان نعمل زى الشباب دول

karakib يقول...

ازاي كده !!

Polka Dotted يقول...

walahy ma2adra asada2 eli bye7sal dah
b3den manenzelsh mel bet a7san :S

Captain L.J.Silver يقول...

video clips (e.g roby we a7`wat-ha) + (so called ) aflam men naw3eyet + shweyt tadayyon zahaery 3la el mashy + enheyar a7`laky 3am fe el mogtama3+ namazeg men naw3eyt mortada mansoor heya sa7bet el soot el 3aly fe el balad +mostanka3 el fasad elly e7na 3aysheen feeh = ??????????!!!!!!

mafeesh da3y nesta3`rab !!! ana el 7aga elwa7eeda bas elly sadametny en feeh nas kanet mashia we ma7wletsh tedafe3 3an el banat dool aw 7atta tesa3edhom !!!!

غير معرف يقول...

طظ فيكى يا مصر انت وشعبك الجزم شوية غجر وكلاب جعانه اتمنى من ربنا تنشق ارضك يا مصر وينبلع شعبك ويختفى مصر وشعبها من على الخريطة

LAMIA MAHMOUD يقول...

لاء بجد الموضوع كده كبر
دين ام كده يا ناس هو مبقاش في خلاص ولا خشى ولا دم

غير معرف يقول...

انتو عارفين انا اول مرة اقرا مدونات او اسمع عنها ويمكن الموضوع جه بالصدفة البحتة انا حتى معرفش يعني ايه مدونين بس احساسي بيقول انه صحفي بيكتب على النت من خلال موقع مستقل او موقع شخصي يعني .....

المهم مش في كده انا بقالي 8 شهور بعيد عن مصر ومشتاق قوي انزل وحشتني بكل حاجة فيها بجد والله ودبيت خناقة هنا في الشغل علشان انزل الشهر الجاي ( انشاء الله ) وطبعا انا مليش حق فى النزول لكن قلت والله لو هتيجي على اني اسيب الشغل وارجع بلدي لكن بصراحة بعد اللي قريته وشفته من خلال كل المدونات اللي تنقلت بينها من اجل متابعت موضوع السعار الجنسي اللي غرقت فيه مصر في ايام العيد واللي المفروض تكون ايام جميلة وسعيدة وآمنة ولكن للأسف ما كان هوا عكس المفروض.

انا لما بتكلم عن بلدي هنا مع الهندي او الفلبيني او اي جنسية تانية عربية او غير عربية بقول بلدنا فيها الحرية وفيها الامان وفيها كل حاجة جميلة انا يمكن شايف كده او نفسي يكون هوا ده .. انا لما بحكلهم عن وسط وجمال وسط البلد واصل وعراقة وسط البلد و قهاوي وشوارع وسط البلد لقيت الناس ده بتقوللي احنا لازم نقضي الأجازة في مصر ( اخر 10 ايام من شهر 12 )

بصراحة انا آسف بس مش ليكو انتم ليهم همه من الواضح ان انا كدبت عليهم ونقلت صورة بعيدة كل البعد عن الواقع

لكن ده بردو مش هيمنع اني انزل الأجازة واستخبى في بيتنا مع اهلي ومش هخرج حد منهم الشارع الا لو كان معايا بودي جاردز ... جه علينا اليوم اللي بقينا مش عارفين نحمي فيه نفسنا من نفسنا .... امال هنعمل ايه مع عدونا .... طب ما هما زمان كانو بيلبسوا الميني جيب والماكرو زي ما بنشوف فى الأفلام بس محدش كان بيحصل فيه كدا ...... سمعت من واحدة مرة كانت بتقوللي انا كنت بمشي في شارع سليمان باشا الساعة 3 الفجر وتروح وتاكل كبده في التوفيقية وترجع تقعد في البانسيون اللي كانت ساكنة فيه هيا و أصدقائها من الشباب و البنات وكانت حياتهم نضيفة والدنيا حواليهم نضيفة ..... واضح ان المجتمع اتوسخ لدرجة ان الوساخة طلعت على السطح ومبقاش عارف يكتمها ولو كتمها يمكن ينفجر .... يعني الخسارة من الناحيتين

و يا الف خسارة وخسارة على شباب بلدي الحيارى لا هوا طايل الزمالك ولا هوا طايق يقعد في الحارة

غير معرف يقول...

y7y7t76rgyurrgfb

غير معرف يقول...

2ashal 7aga 3al wa7ed enno ye3mel 3abeet, weye3mel ka2enn mafeesh 7aga 7asalet, aw enn el banat di akeed estahlet elli 7asal feehom. laken 2abl matestashel wete3mel kedda fakkar meen el mostafad? be7esba baseeta esmaha kyas el khosara bel maksab hanla2i shabab mastafadsh ay 7aga gheir enno etla3an men allah sob7anaho wata3ala fi ayam moftaraga, webent ghaleban hatsheel ma3aha 2asar el 7adsa di leyom el deen.. 7aram..balash, 3eeb.. maysa7esh..law kan el 2ab wel2om welsadeek ye2oolo 3eeb...7aram..maysa7esh makansh da 7asal..

غير معرف يقول...

السلام عليكم والرحمه
الاحمار اللى بيقول على الدين قرف وان الناس بتعبد الدين مش ربنا انا بقوله يا اخينا انت الدين هو الوسيله لعبادة ربنا ده فى حالة انك كنت بتؤمن بيه اساسا!! فأنا مثلا اذا كنت هغض بصرى فده بس لان دينى بيامرنى بكده ولانى بخاف م اللى خلقنى وحاسس انه شايفنى وعلى فكره ده مش بارنويا!!
وبرضه انا عن نفسى مهما كانت حالتى يعنى حتى لو كانت هايج جدا جدااااااااااا لايمكن انى ابص لواحده متدينه بجد يعنى مش تكون لابسه ايشارب وتحته جينز محذق مبين تضاريس جسمها اما بالنسبه للى حصل فطبعا اللى عملو كده دول اكيد حثاله ودهماء ومعندهمش اخلاق او الكلمه المرادفه لحسن الاخلاق وهى الدين وارجع اقول ان اكيد البنات كمان كانوا غلطانين لانه مش معقول ان كل كل كل البنات اللى كانوا هناك حصلهم كده اكيد كان فى اختيار حتى لو كانوا محجبات لانه زى ما قلت المتدينه بجد هى اللى انا مابصلهاش انما اللى لابسه عبايه وماشيه بصياعه she asked for it والسلام ختام

غير معرف يقول...

عهد مبارك..عهد الفقر والجهل والتخلف و المرض والإنحطاط الأخلاقى...عهد الأفلام الجنسية و الأغانى التافهة...عهد البلطجة ..عهد السجون و المعتقلات...عهد مثل هذا ماذا تتوقعون أن يحدث فيه غير ذلك وأكثر من ذلك..إن كل شخص يعمل داخل هذا النظام الفاسد والفاشل والكاذب و المنافقون وأصحاب المصالح و من يرى كل هذا و يسكت عليه هم جميعاًمشاركون فى إنهيار هذا البلد و إنهيار شعبة..أسأل الله أن يلطف بنا و ينقذنا مما نحن فيه.لك الله يا مصر

Sherif يقول...

كل واحد يخلي باله من لغاليغه

صحيح اللي سمعناه ده عن موضوع حالة السعار الجنسي في وسط البلد ؟!
طب ازاى ..؟؟ انا بحاول اصدق الكلام اللي سمعته و مش قادر ...
بس الحقيقة انه حصل فعلا... وانا قريت الكلام ده و كمان شوفت صور عن المهزلة ديه..
طب ازاي يحصل حاجة زي كده في مصر ؟!
ده مصر المفروض انها دولة اسلامية, ده المفروض يعني.. حتى ولو ده مجرد لقب مش بيطبق الا اللي على المزاج من الشريعة الأسلامية بس نرجع نقول نقدر نسميها اسلامية لأن معظم شعبها و النسبة الأكبر من المسلمين...
طب ازاي يحصل حالة سعار جنسي جماعي فيها و تنتهك اعراض النساء الموجودة في شوارعها...؟!
امال فين الأسلام و المسلمين و الجوامع الموجودة في كل حته و الناس اللي مشيا و في اديها سبح و على رسها الختم و دقونها نازلة لحد كرشهم و جلاليبهم طالعة لحد كلوتهم و اخونا بتوع الأسلام هو الحل اللي فرحانين انهم اخدو مقاعد كتير في الدورة الأخيرة لمجلس الشعب ولا خلاص الأنتخابات خلصت و مفضلش من "مجلس الشعب" الا المجلس و اتنسى الشعب..!! و كان الدين هو مجرد الغطاء و الشعار بتعهم و خلف رايته و شعاره كانت مصالح... اي مصالح بكل انواعها...!! طب بلاش دول علشان بيجرو ورا مصالحهم و مش بيكون ليهم حس ولا خبر الا وقت الأنتخابات و في التجمعات بتاعتهم...
طب فين اخوانا بتوع الداعية النواح ابو ضحكة جنان مليانة حنان؟؟ مش هوه برضو بيتفاخر انه صاحب حركة التدين اللي قامت في مصر و مقعدتش اول ما ظهر بسلامته ولا هو التدين في نظره ان الست تلبس الحجاب و بس !! طب فين دول كمان؟؟... ولا اه ده انا كنت نسيت.. ده كان اخدهم معاه عاملين "كامبينج" في انجلترا يظهر اخدهم معاه علشان كان رايح يناقش رسالة الدكتوراه بتاعت ويلز اياها....هههههههههههه
عجبي, يعني هما دول اللي مستنينهم يكون عندهم قيم و اخلاق و اهداف سامية ولا عواطف حتى...!!
و الغريب اللي في الوضوع كمان ان الأحداث دي اول لما حصلت, حصلت قدام سينما مترو اللي علطول متأمنه بس هنقول ايه يعني م احنا عارفين اللي فيها و ان حاميها حراميها...
نهايته... يظهر اننا داخلين على ايام منيلة فكل واحد يخلي باله من لغاليغه زي م قال عادل امام, لحسن منعرفش ممكن بكره الستات تعمل رد فعل مضاد للفعل.. وانتو عارفين ايه هيكون هدفهم.... ولا ايه ؟؟ 
* وصدق اللي قال ده شعب بيجري ورا بتاعو..
http://egyptologia.blogspot.com

king يقول...

انا بوجه الاسف لكل بنت و امراءة حاذت شرف الانوثة و الامومة و الحنان بأسف لكا انسانة وقعت فى هذا الموقف او انجرح شعورها عندما سمعت به و اؤكد ان كل من فعل هذه الفعلة كلب عقور يجب ان يعدم لا مكان له بين البشر و ادعى كل بنت الى حمل السلف دفنس و خصى اى شاب يحاول الاعتداء عليها او لمسها

غير معرف يقول...

كلمة حق
إيــــــه اللى انتو بتعملوه ده
بجد انا اتصدمت من اللى حصل للبنات فى العيد ، لكن صدمتى من اللى قرأته كانت أكبر.
انا الصراحة اول مرة افتح المدونات او ادخل عليها ، معرفتهاش الا بعد احداث العيد الاخيرة
وانا اشكرها لانها بتعرف الناس الحقيقة وبتسمح لهم بالتعليق بحرية على الاحداث
لكن اسمحـــــــــــــــــــــــــــــولى:
انا لما قرأت اللى مكتوب مصدقتش نفسى ، هو احنا فيـــــــــــــــــــــــــــــن؟
كلمات بذيئة مايصحش تتقال ، ومجاهرة بالمعصية من بعض اللى كتبوا وتعليمها للناس ، وشتيمة فى النظام واصحاب النظام ، واهانة لمصر وشعب مصر ، ووصل التجريح لحد علماء الدين كمان ، هو فيه ايه؟

محدش يزعل منى:
أولا: انا لما احكى عن اللى حصل ، ميصحش اقول الالفاظ المجرمة اللى قالوها اللى عملو كده ، وإلا يبقى مفيش فرق بيننا وبينهم. وللا علشان مفيش رقابة على النت ومحدش يعرف انا مين ، يبقى اقول كل اللى انا نفسى فيه؟
المفروض الرقابة تبقى ذاتية من جوانا ، ومنتكلمش الا الكلمة المحترمة اللى تعبر عن شعب مصر المحترم ، ده لو كنا عايزينه يبقى محترم؟

ثانيا: مالهم علماء الدين ، ليه بنحشرهم فى كل مصيبة وكأنهم السبب فى اللى حصل واللى بيحصل.
هى مهمتهم يصلحوا الناس بالعافية؟ دول ناس اتعلمو الدين اللى المفروض كلنا نتعلمه ، وعليهم يعلموه للناس ويقولولهم الصح من الغلط بالحكمة والموعظة الحسنة زى ما ربنا قال ، مش يمسكولهم العصاية. والنصيحة هتعمل ايه فى قلب قاسى غافل بعيد عن ربنا وللا مش فاهم يعنى ايه جنة ورضا ربنا ويعنى ايه جهنم وبئس المصير.
وان كان بعض الدعاة او العلماء ممكن يغلط ومحدش معصوم من الخطأ ، يبقى علينا ننقد الحاجة الغلط – ده لو كنا متأكدين انها غلط على قد فهمنا وعلمنا فى الدين – مش ننقد العلماء نفسهم اللى بيفهمو عننا. وان كان حكم وللا مسألة مفيهاش آية قرآنية او حديث صريح ، وحصل فيها اختلاف ، يبقى كل الاراء صح ، وعليك تستفتى قلبك ، وكل واحد أدرى بقلبه ، ودى حاجة بينه وبين ربنا.

ثالثا: ليه بنشتم ونلعن فى النظام ، والعيب فينا قبل ما يكون فى النظام؟
هو اللى ماسكين النظام دول مش اصلا مصريين ، يعنى مننا ، مش مستوردينهم من امريكا مثلا؟
بدل ما نطلب تغيير النظام ، مانغير نفسنا قبله. وللا كل واحد عايز يصلح غيره وبس.
لا ---- ابدأ بالصعب ، اسهل حاجة تنصح غيرك ، لكن اصعب حاجة تنصح نفسك ، لأنك اصلا مبتشوفش عيوبك ، علشان كده احنا بنستسهـــــــــــــــــــــــــــل.
احب بس افكركم بكلام ربنا سبحانه وتعالى: بسم الله الرحمن الرحيم
" إن الله لا يغير ما بقوم حتى يغيروا ما بأنفسهم " صدق الله العظيم

*** ايه رأيكم نعمل مع بعض حملة من ضمن الحملات مش هتكلفنا كتير ، ونسميها:
حملة ( إبدأ بنفسك )
وكل واحد مننا يتعلم حاجة فى الدين والأخلاق ، يبدأ يطبقها بنفسه ، ويعلمها لغيره كمان علشان ياخد ثواب زيه من باب الأمر بالمعروف والنهى عن المنكر ، اللى هو أصلا فرض فى الدين.
ساعتها ربنا هيكرمنا بجد ، ويصلح حالنا فى الدنيا والاخرة ، وترجع مصر بلد الأمن والأمان زى ما كانت طول عمرها ، وينصرنا كمان على امريكا والعالم كله طول ما ربنا معانا وراضى عننا.
اللهم رضاك يارب.

وشكرا لكم جميعا.

monasosh يقول...

"أولا: انا لما احكى عن اللى حصل ، ميصحش اقول الالفاظ المجرمة اللى قالوها اللى عملو كده ، وإلا يبقى مفيش فرق بيننا وبينهم. وللا علشان مفيش رقابة على النت ومحدش يعرف انا مين ، يبقى اقول كل اللى انا نفسى فيه؟" لا فيه فرق بينى و بينهم, انا استخدامى للالفاظ ديه كان لنقل صورة كاملة عن اللى بنتعرضله, لكن مش بامشى ارمى الالفاظ دى على الناس فى الشارع...عاملة بالظبط زى اما تروحى تبلفى على حادثة او حالة اعتداء, المفروض تنقليها بالظبط, بدون مبالغة, و لا حذف...يعنى ما ينفعش يكون حد مسك صدرى, و اقول انه مسك ايدى علشا انا مكسوفة اقول اللى حصل بجد
بعدين انت موجهالى كل اتهامات الدونات عندى انا , بغض النظر عن انا باعمل ايه فيهم
فيه حاجة لازم توضح, المدونون ماهماش كتلة واحدة ينفع توجيهلهم اتهامات عامة
عالم التدوين ده دنيا كاملة صغيرة, مع مساحة اكتر للحرية
فيها اللى بيعادى النظام الحاكم و فيها اللى لا, فيها اللى مع امريكا و فيها اللى ضدها
فيها اللى بيكتب سياسة و فيها اللى بيكتب شعر, و فيها اللى بيكتب عن حياته الشخصية
يعنى ما ينفعش توجه تهم للمدونين كلهم كدة
علماء الدين, انا ماجبتش سيرتهم, بغض النظر عن اختلافى اصلا معاك على دورهم
النظام؟ اه يستاهل الشتيمة لانه نظام قذر و فاسد, و اختلف معاك دول مش المصريين

غير معرف يقول...

��� ����� �� �� ������ �� ������� �� ����� ��� ����� �� � ������ �� �� ��� � ��� ���� �� �� �� ������ ��� ���� ���� ����� �� �� ������ ��� � ����� �� �� ��� � ����� �� �� ���� ���� ���� ��� �� ��� �� ���� ������� ������ ������� ��� ������ ����� ���� � ���

غير معرف يقول...

بجد احنا عايشين في ازبل بلد هههه بيقولوا مصر بلد الامن والامان سلمين وحته يا مصر