الجمعة، أكتوبر 05، 2007

هكذا هى و هكذا انا, منشكحتان




استغربت جدا لما قريت التدوينة الاخيرة بتاعة هكذا انا , علشان هى كانت على بالى كتير امبارح, و لانى انا كمان زيها كنت فى حالة وحشة الفترة اللى فاتت, و كان كل يوم بيعدى عليا مزاجى يبقى اوحش, غير انه بطنى كانت تعبانى اكتر من المعتاد الكام يوم اللى فاتوا

صحيت امبارح الصبح بدرى من وجع بطنى, سككاكين من جوة بتقطع فيا بالراحة
قعدت متنحة فى مكانى حبة, و بعدين زهقت من حالة الكابة و الوجع اللى انا فيها
و فجأة حالة نشاط حلت عليا, قمت من مكانى , فتحت كل الشبابيك و خليت نور الصبح يدخللى و يبسطنى
و ساعتها افتكرت اول تدوينة كتبتها , و ازاى انا كنت باعرف الاقى تفاصيل صغيرة تبسطنى فى اى يوم و باخد قرار بان انا هانبسط

مش عارفة ليه تهت عن البنت دى جوايا, بس فى لحظتها و انا واقفة فى الاوضة و النور محاوطنى من كل ناحية وعدت نفسى انى هاحاول ماانساهاش الفترة الجاية و هأركز اكتر فى التفاصيل الصغيرة اللى بتنورلى يومى

خلصت كل شغل البيت, و حطيت اكل للقطط , و نزلت اشتيرتلى هدوم كنت محتاجاها, و رحت على النادى لعبت ساعة رياضة لما حسيت انى هلكت نفسى و استنفدت اخر تنتوفة طاقة فيا, قابلت واحدة صاحبتى كان نفسى اشوفها بقالى حبة, دردشنا مع بعض ساعة كدة و بعدين روحت افطر مع جدى و نمت بعديها, نوم مريح و مافيهوش احلام


انا ليه باكتب ده كله؟ مش عارفة, و مش مهم , انا بس عندى حالة انشكاح ليا و ليها

هناك 5 تعليقات:

مصطفى السيد سمير يقول...

أنا ليه بكتب ده كله
ببساطة دة سؤال بسيط
وإجابته أبسط
الفنان والمبدع لما بيحس بحاجة قوي
بتطلع لوحدها
يلاقيها قدامه مكتوبة
ومش بعيد كمان يلاقيها نازلة على البلوج
يقوم يسأل نفسه السؤال البسيط دة
أنا ليه بكتب ده كله

littel angel (2alb el 2ased) يقول...

nice choice of the name of ur blog ... i do adore every thing about the phareos.

Maat يقول...

:|
leh bete3mely feya keda?!

yeah.. we can sooooo go back to that girl we ( i/you/whoever else) used to be! I can be happy if i decide to be happy! I can wake up in the morning, put that smile on my face, decide to keep it no matter what, and will find every little happy detail in my day and in my life without even having to look hard into it!! that's what we were, that's what we can still be!

yoooooooh!

Today I'm happy :)

Mohamed_sobhy84 يقول...

يا بختك عندك قطط مش قطه وادحة و كمان بتلعبي رياصضه ا
ملحوظه انا بنق مش بحسد
كان نفسي يكون عندي قطه زمان

الدائرة يقول...

بكلم جنابك..

من هيئة الأرصاد..

حالة من الطراوة سعادتك..

بتسود البلاد..

حر..

بعد الشر يا فندم..

ورحمة أمي دي موجة..

بس جت بدري شوية..

قبل المعاد..

يا فندم الجو لطيف..

ومن بكرة هانلبس خفيف..

صافي يا فندم صافي..

بس الرؤية معدومة..

إحنا كده يا فندم..

أي حاجة نقول الحكومة..

المواطن..

اسكت اسكت..

اتعلم الشقاوة..

وبيعمل إضراب..

وبيتكلم عن الفساد..

وبيقول كفاية..

ألو ألو..

أيوه يا فندم..

إنت معايا..

ألو..

يا نهار أسود..

ده الموبايل فاصل..

هو أنا كل ده بكلم نفسي..

يللا بقي كل شيء نصيب..