الثلاثاء، أكتوبر 02، 2007

ما بين ضلمة و نور



مش عارفة مالى
كل ساعة بحالة, و مافيش سبب واضح بينقلنى من حالة للتانية
بابقى صاحية رايقة و مزاجى حلو, و هو على بالى, اقوم اشغل اغنية حلوة و اسمعها و اسرح
و اقاوم انى اكلمه لانى كل اما اتصل يبقى هو لسة ماصحيش و كل اللى بانجح اعمله انى ازعج اهله فى البيت

فجأة كل حاجة تتغير
الاقينى متنحة فى ولا حاجة, و الدنيا تسود قدامى و مزاجى كله يتعكنن

انا عارفة انى عمرى مااتعلمت الاعتدال فى مزاجى
مااعرفش غير انى ابقى مبسوطة اوى, او زعلانة جدا
مااعرفش انى ابقى فى حالة عادية, لازم لما ابقى فى حالة اجيب اقصاها فيا
لو وجع لازم يعصرنى من جوة
لو انبساط لازم الدنيا تبقى شمس و فراشات
لو حب لازم تبقى الدنيا كلها موسيقى, و نور جوايا, و كل تنتوفة فيا بتتزغزغ


لو كلمنى بابقى طايرة فوق, باتنطط من سحابة لسحابة
بس المشكلة ان لو حاجة صغيرة اوى زعلتنى , باتهبد على الارض, و الواقعة من فوق بتبقى اقوى كتير من لو كنت واقفة على الارض و وقعت

عينى زغللت مابين حبة نور و حبة ضلمة, حبة الوان وحبة اسود

تعبت من موسيقى رايحة و موسيقة جاية
تعبت من التنطيط و الهبد

انا تعبت من المرجحة
نفسى مرة يبقى مزاجى عادى, مرة واحدة بس

هناك 8 تعليقات:

كتابة يقول...

التطرف بالحياة
يولد التطرف بالحب
فأما عشق قوي
أو عاديته البايخة
اللي فيكي هو حب عميـــــــــــــــــق
هو ماوصلشي ليه
أو حتى لو وصله
لكنه بيتعامل معاه بعقلانية و إتزان


مش عارفة حنصحك بإيه
لكن حاولي دايما تحبي
من دون ماتغرقي تماما
ومع الوقت دربي نفسك وعلميها
إن في ألوان قوس قزح
كتيرة
مابين الأبيض
و الإسود
بس المسألة تحتاج صبر

Rivendell** يقول...

و كل تنتوفة فيا بتتزغزغ
عجبتني اوي دي
لا عجبتني بجد

اممممم انت شكلك يا جوزاء يا ميزان

بصي حاولي ولو ماقدرتيش يبقى اقبلي الامر الواقع وعيشي مع نفسك زي ماهي

مصطفى السيد سمير يقول...

اللي عندك طبع كتير من الفنانين اللي بجد
الطيران للسحاب أو الهبد على الأرض قدام مشاعر ناس كتير شايفاها انها عادية ومش مستاهلة كل دة
بس اطمني
ده مالهوش علاج
خاااااااااااااااالص

شقلوطة يقول...

كنت من كام يوم بقول لصاحبتى
ان الواحد لسه مابيكسرهوش غير الحاجات الصغيرة ..
....
البوست بتاعك خلانى أفتكر الجملة دى ..
ماعنديش تعليق جامد ..ولا تعليق سكة
بس أنا ابسطت لما قريت البوست ده
مش عارفة لية
يمكن حسيت إنى مش لوحدى اللى كده فى الدنيا
....
(f)

frozen love يقول...

enty msm3tesh 3n ekhtra3 esmo el7ob...lol
hwa ely bey3ml kda b2a 3la fkra..once enk tstkry feh htstkry 3moman...

zyara mofag2a..im back ya gd3an lelblog

Maat يقول...

bipolar disorder!!!

:P

no seriously, i hear u mate!

so here, from me to you: I wish you all the emotional balance that you need at the moment, may you be blessed with the peace that comes along.... 3ashan matetganeneesh w matzaghleleesh. It's very very very consuming honey i know!

غير معرف يقول...

اوووووووووووووووووووووووووففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففف
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنوته غلبانه اوى يقول...

بشتغل فى جاليرى وانا اصلا رسامه فنانة يا عالم ومش لائيه فرصتى رغم ان الرسامين بيتهبلوا عليا وبيعترفوا ان رسمى اروع بمراحل من رسمهم .....ماشى ادينى صابره لحد مشوف اخرتها
غير كده بئا انا مش مرتبطه لييييييييييييييييه؟؟؟؟؟؟؟؟؟ نفسى افهم
انا محدش عايز يدخل دماغى لييييييييييه؟؟؟؟؟
رغم ان فيه بيدخلو دماغى بس يدخلوها النهارده ... تانى يوم ولا افتكرهم
حاجه بئت تارف
حاسه انى مش بنى ادمه
وادينى برضووووووووووووا صابر
ولما اشوف برضو اخرتها
شكلى هموت من غير ما اعرف طعم الحب دا ايه؟؟؟؟؟؟؟؟ على فكره انا 19 سنه واسمى سلوى