الأحد، مايو ١٣، ٢٠٠٧

شهوات منتصف الليل

الدنيا ضلمة
نور ضعيف جاى من ورا باب الحمام هو بس اللى منورله الطريق
على طراطيف صوابعه يمشى و يروح يفتح الباب , يلاقيها قدامه
حمرا, و مغرية
يتردد للحظة, هى لحظة صغيرة يسأل نفسه فيها " طفاسة؟؟" , بعدين يهز كتافه, مش مهم , طفاسة طفاسة
يمد ايديه الاتنين, يشيلها, يحضنها, و يرجع بيها الاوضة
يقفل الباب وراه, يولع النور, يمدد على الارض و يبدأ فى التهامها
بعد ما يمتص كل سوائلها لحد اخر نقطة, و ينتهى منها تماما, يقوم يغسل ايده و بقه, و يدخل يتكلفت فى السرير و ينام

الصبح تانى يوم, اسمع بابا بيسألنى بصوت عالى : هو وحش البطيخ صحى بالليل و قضى على البطيخة اللى انا لسة جايبها؟

اضحك و ارد : طبعا يا بابا

هناك ١١ تعليقًا:

Nour يقول...

Lol!

karakib يقول...

:) شهوات :)
دلوقتي بتوع لا بذاءات مش هيسيبوكي في حالك

Mohamed يقول...

looooooooooooooooool
دي دعوة صريحة على الفساد
loooooooooool

Ahmed يقول...

ياسلام عايزك توصفي الطعم بالضبط
وكانت حلوه مسكره ولا ايه
وياترى سقعة متلجة
إممممممممممممممممممممممممممم

عباس العبد يقول...

كالعادة فى السعادة
الايهار يأتى اولا
بوست جميل جدا
بس خدى بالك على رأى كراكيب
بتوع مدونة نظيفة مش حيسيبوكى فى حالك

Masry يقول...

loooooooooooooooooooooool

هوة دي البطيخ و اللي بيعملة في الناس

Aladdin يقول...

ما تعملي الحدوتة دي إعلان ونزليه على youtube!! هايكسر الدنيا على فكرة ...

M.Sameer يقول...

ضحكتينى و انا اللى كنت قاعد مبتئس...

maxxedout يقول...

البطيخ جامد فشخ

Unknown يقول...

كانت قرعة ولا لأ؟

غير معرف يقول...

بمناسبه البطيخ انا بئالى كام يوم بتجينى فكره ان اقولك ان علاج سرطان الثدى فالبطيخ ماده موجوده فالبطيخ والله العظيم مش بهزر بس مش حاجه غريبه انك تفكرى فالبطيخ بردو فى اتصال عقلى زهنى بينا (*_*)