الخميس، أكتوبر ١١، ٢٠١٢

لحظة ميلاد ال *آخ ياني*


دايما بارجع للحظة دي
لحظة معقدة جدا, مزدحمة بطبقات من مشاعر مكثفة

فخر
باخويا اللي كان بيجدد ارث العائلة و بيبارك زنزانة طرة بوجوده

حزن
على بعده عننا

حب
لخالد,
المولود الجديد, اللي من أول لحظة اتشبكت معاه برابط خاص: قصة مشتركة تخليه يحتل مساحة خاصة في قلبي: أنا و هو اتولدنا لأب عظيم مسجون لنضاله, و أم عظيمة قوية شايلة حمل الدنيا و بتعافر عشان تحرر حبيبها

حزن
تاني خاص على نهاية علاقة كنت متصورلها نهاية مختلفة

ثقل و خوف
من اننا ما ننجحش في ضغطنا و علاء يفضل في السجن

رعب أكتر اننا ننجح نخرجه, بس نخذل الآف تانيين عشان مالاقوش نفس الاهتمام

بس الأهم:
طبقة رايقة خفيفة من السعادة الخالصة
سعادة كدة من اللي تخلي كل تنتوفة في جسمك تتنفس, تتنهد ... و تستكين :)



هناك ٣ تعليقات:

فافى يقول...

ربنا يخليه ليكم
خالد عسول
وانا شخصيا حبيته لما شفته فى الفيديو مع علاء انا قلما احب طفل

umzug يقول...

مدونة مميزة جداumzug
umzug wien
umzug wien

Unknown يقول...

كل سنة وانتم سعدا وأحرار :)