دايما بارجع للحظة دي
لحظة معقدة جدا, مزدحمة بطبقات من مشاعر مكثفة
فخر
باخويا اللي كان بيجدد ارث العائلة و بيبارك زنزانة طرة بوجوده
حزن
على بعده عننا
حب
لخالد,
المولود الجديد, اللي من أول لحظة اتشبكت معاه برابط خاص: قصة مشتركة تخليه يحتل مساحة خاصة في قلبي: أنا و هو اتولدنا لأب عظيم مسجون لنضاله, و أم عظيمة قوية شايلة حمل الدنيا و بتعافر عشان تحرر حبيبها
حزن
تاني خاص على نهاية علاقة كنت متصورلها نهاية مختلفة
ثقل و خوف
من اننا ما ننجحش في ضغطنا و علاء يفضل في السجن
رعب أكتر اننا ننجح نخرجه, بس نخذل الآف تانيين عشان مالاقوش نفس الاهتمام
بس الأهم:
طبقة رايقة خفيفة من السعادة الخالصة
سعادة كدة من اللي تخلي كل تنتوفة في جسمك تتنفس, تتنهد ... و تستكين :)
هناك ٣ تعليقات:
ربنا يخليه ليكم
خالد عسول
وانا شخصيا حبيته لما شفته فى الفيديو مع علاء انا قلما احب طفل
مدونة مميزة جداumzug
umzug wien
umzug wien
كل سنة وانتم سعدا وأحرار :)
إرسال تعليق