ومضة 1
قالك هتحتفلي ازاي بفوز مرسي ؟
" احم! البيكيني في ايديا و يللا على البسين "
ومضة 2
معظم اصحابي المقاطعين قاعدين بيجزوا على سنانهم كل اما نسب التصويت لشفيق ترتفع, و منهم ناس أعلنوا ارتياحهم لفوز مرسي على شفيق. ده ما يمنعش استمرار برطمتهم بان اللي انتخبوا مرسي من أصحابنا معر*** !!!
ومضة 3
مداعبة : عرضت عليه الجواز في حالة فوز شفيق. باعتبار ان على الأقل الواحد يعمل الحاجات اللي نفسه فيها حتى لو مش منطقية و مش عملية قبل اما يترمي في السجن
شكل شفيق هيخسر و هتروح علينا الجوازة #هع
ومضة 4
متأكدة ان بعض من أصحابي المقاطعين أول ما هيقروا ومضة 2 , هيطنشوا "معظم" و هينطوا في كرشي.
#آه_ياني
ومضة 5
في عالم موازي بنت شبهي جدا بتعرض نفس عرض ومضة 3, مش كمداعبة خفيفة , لكن بتنهيدة كلها ترقب :)
ومضة 6
بنت عندها 26 سنة, الشخص الأساسي اللي مسيطر على أحلامها -للأسف - الرويني. و اللي مطير من عينها النوم دلوقتي -للأسف- شفيق العفش!
آه يا قلبي اللي فايتك الكتير من الشوكولاتة الدافية!
هناك ٦ تعليقات:
كنت عارفة إني هلاقيكي هنا :)) و حشتينا!
واحدة كانت متابعاكي على تويتر.
لا ومضه 3 جامده اوى ولايقه بصراحه
تسلمى يمنى على الومضات بس ياريت تكون خياليه بالاخص 5 و3
:)) انتي جميله اوي
I miss you ya Monita... come back!
تحياتى لكم .. فين الموضوعات الجديدة
إرسال تعليق