الاثنين، يونيو 18، 2012

ومضات عبث

ومضة 1
قالك هتحتفلي ازاي بفوز مرسي ؟
" احم!  البيكيني في ايديا و يللا على البسين "

ومضة 2
معظم اصحابي المقاطعين قاعدين بيجزوا على سنانهم كل اما نسب التصويت لشفيق ترتفع, و منهم ناس  أعلنوا ارتياحهم لفوز مرسي على شفيق. ده ما يمنعش استمرار برطمتهم بان اللي انتخبوا مرسي من أصحابنا معر*** !!!

ومضة 3
مداعبة : عرضت عليه الجواز في حالة فوز شفيق. باعتبار ان على الأقل الواحد يعمل الحاجات اللي نفسه فيها  حتى لو مش منطقية و مش عملية قبل اما يترمي في السجن
شكل شفيق هيخسر و هتروح علينا الجوازة #هع 

ومضة 4 
متأكدة ان بعض من أصحابي المقاطعين أول ما هيقروا ومضة 2 , هيطنشوا "معظم" و هينطوا في كرشي.
#آه_ياني

ومضة 5
في عالم موازي بنت شبهي جدا بتعرض نفس عرض ومضة 3, مش كمداعبة خفيفة  , لكن بتنهيدة  كلها ترقب :)

ومضة 6
بنت عندها 26 سنة, الشخص الأساسي اللي مسيطر على أحلامها -للأسف - الرويني. و اللي مطير من عينها النوم دلوقتي -للأسف- شفيق العفش!

آه يا قلبي اللي فايتك الكتير من الشوكولاتة الدافية! 


هناك 7 تعليقات:

وشوشات يقول...

كنت عارفة إني هلاقيكي هنا :)) و حشتينا!

واحدة كانت متابعاكي على تويتر.

محمد ابراهيم شعيب يقول...

لا ومضه 3 جامده اوى ولايقه بصراحه

محمد ابراهيم شعيب يقول...

تسلمى يمنى على الومضات بس ياريت تكون خياليه بالاخص 5 و3

I'm The CraZy One يقول...

:)) انتي جميله اوي

غير معرف يقول...

I miss you ya Monita... come back!

Hausräumung Wien يقول...

تحياتى لكم .. فين الموضوعات الجديدة

umzug يقول...

مدونة مميزة جدا
umzug
umzug wien
umzug wien