 |
| تصوير @ahmada2 |
كنت متصورة ان اللي هيطلعني من احساسي بالهزيمة طاقة غضب!
كنت مستنية حاجة تفلت جوايا و أصحى و أفوق على بركان غضب
خبطات كتيرة يا دنيا و أنا بجد مش حملها
بس لما شوفت صورته, الثقل انزاح و بدل الغضب طاقة نور اتفتحت جوايا
في خالد جاي و لازم نرسمله على حيطة أوضته
في أبحاث و معمل و خلايا لازم استعيد علاقتي بيهم
في الاف في السجون لازم نحكي قصصهم
في أحلام ألوانها بهتت و لازم نعيد تلوينها
و في فراشات لازم تنطلق
في عسكر لازم نشيلهم
في أخ لازم نحرره
و في ثورة ... هتكمل :)
هناك ١١ تعليقًا:
عمر السجن ما غير فكرة..
عمر القهر ما أخر بكرة...
صح كده بالظبط.
وخالد حيجيب معاه كمية نور وأمل وحياة بحالها جديدة. ماتستقلوش بالواد.:)
ربنا يفك اسره هوا و كل المعتقلين و يرجعه ليكوا بالف خير و سلامة ... ليس ف اعتقاله عار و ليس فى قوتهم عزه
#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAlaa#FreeAFreeAlaa
ان شاء الله اكيد يخرج و البلد كلها تتغير و تبقى أجمل تليق بخالد
حبيبتي يا منى.. باحبك مرتين.. مرة لشخصيتك عموما اللي مليانة دفء وعطاء وفراشات وألوان وحاجات حلوة.. ومرة لقوتك وصلابتك اللي كل يوم باتمنى يكون عندي ربعهم....
اعرف الرجال بالحق..ولا تعرف الحق بالرجال...والنساء كمان ...ربنا يحميكى يا منى
لا غرفة التوقيف باقية ولا زرد السلاسل...
عدينا اللى اسود من كده ميت مرة
مفيش حاجة ممكن تتقال ..
بس بجد ربنا يحميكي .. و يحميه .. و يبارك فيكم ..
انتو قدوة لينا كلنا..
يا أ/مني ربنا معاكوا ويقويكوا
ما يُخفف عنكم أن علاء أخذ موقف بطولي أشعل الثورة من جديد بدايةً من المسيرة الرائعة إلي سجن الإستئناف، إلي حملة أفرجوا عن مصر بمسيراتها الثلاث، إلي إنطلاق الموجة الثانية للثورة في 19/11
أ/مني، رجاء إخبار علاء أنه أحيا الثورة من جديد
اختي الكبيرة العزيزة القوية الثائرة الحق, منى:
علاء جوة السجن محبوس, بوابته فولاذ وعليها سجان
لكن فِكرُه هيفضل حر, عمره ما يطاطي لسلطان
إنسان عاش يحلم بالحرية, وميهموش شبعان ولا جعان
انسان بيرسم لنا الطريق, ولاريشة امهر فنان
علشان خالد واصحابه بكرة, يناموا حاسين بالامان
الامان مش مجرد احساس, الامان نباع م الوجدان
وجدان نبضه فجر ثورة, على كل ظالم للغلبان
والغلبان نفسه وقف قالها, عمر الحر ميابقى مُدان
المُدان هو نفسه السجان, هو مجلس طنطاوي وعنان
هو اللى قال بحمي الثورة, بتحميها من مين ياجبان؟
انت وعارك قتلتوا الثائر, والثائر ده عنده ايمان
ايمان قوي وارادة وعزم, بان الظلم بيولد بركان
والبركان ولد ثورة قوية, هتهد عليكم كل الحيطان
عمر السجن ماكان للحر, ولو دفنوه تحت الجدران
ياعلاء هتفضل حر طليق, مهما قفلوا عليك البيبان
مهما الظالم يقول ف كلام, ومهما يطلع اي بيان
الحرية نفسها طويل, والحق فى يوم والله هيبان
سجنوا علاء ومايكل واحمد, ونسيوا إن الثورة ف الميدان
مفيش كلام تاني يتقال يا منى, اصلي خلاص زهقت من القول والقيل والقال, مهما نعبر ع الى جوانا من احاسيس ومشاعر واحساس بالظلم, اكيد فى يوم كلنا هنفرح وننبسط, حتى لو مفرحناش احنا, بكرة خالد و دودو واصحابهم يفرحوا ويعيشوا, ويحكوا قصص عن الحرية اللى هما بيتمتعوا بيها, وسطرناها فى الميدان, واللى سطرها علاء ومايكل وهنفضل نسطرها لحد ما اكيد هننولها..
سامحيني ع الإطالة, لكن كلامك هو اللى دفعني اكتب اللى فات كله, وحلو طلعت شوية مشاعر من البركان اللى كان جوايا, وحمد لله على سلامة رجوع خالد وعارف انك رحتي توضبي الاوضة بتاعته.
راني
إرسال تعليق