الثلاثاء، ديسمبر ٢٦، ٢٠٠٦

احجز مكانك...الفرصة لسة قدامك

تطلع من الباب اللى معروف باسم "باب تجارة" فى جامعة القاهرة, تعدى الشارع, تبقى فى دنيا المكتبات
عدد مهول من المكتبات, سواء اللى موجودة على الشارع الرئيسى, او فى الحوارى الضيقة اللى متفرعة منه, او الممرات اللى بين العمارات
اول اما بادخل هناك باحس ان انا هأتخنق. اجسام بشرية متكربسة فى بعض, و عند مرحلة معينة انت بتسيب قوة الدفع هى اللى تحدد اتجاهك. يعنى الواحد بيبقى مسير مش مخير
اكتر حاجة باكرهها فى الدراسة هى تصوير الورق. كميات من الورق الواحد يقعد يصورها طوال السنة,مصيرها فى الاخر المطبخ, تتشرب الزيت بتاع البطاطس المقلية و الطعمية. او اعملها كور و حدفها على سبت الزبالة و انا متنرفزة
بجد الطلبة بيصابوا بمرض التصوير, و انا واحدة منهم. الواحد يسمع كلة ورق, يقول : هاصور. مش مهم الورق ده صوره قبل كدة و لا لأ, و لا الواحد محتاجه اصلا ولا لأ. الاحتياط واجب برضه
كل كلية و ليها مكتبة- او اكتر- مخصصة ليها. كليتى مثلا, كلية العلوم, ليها مكتبة الخواجة- ربنا يخليهالنا يا رب-, و مكتبة ستار ميكر, و مكتبة الحرية
اهو عند واحدة من المكتبات دى اللى لقيت الاعلانات اللى متصورة تحت, متعلقة. و هستيرية ضحك حلت عليا.مش عارفة جايز احسن من انى اعيط على اللى وصلناله
افتكرت ايام الثانوية العامة لما الملازم كانت تتوزع و عليها
ملك الكيمياء العضوية
امبراطور اللغة العربية
المراجعة النهائية التى لم و لن يخرج عنها اى امتحان
ده الموضوع بقى فى الجامعة خلاص. مش بعيد قريب المحاضرات تبقى بتتباع فى المحلات بتاعة كل حاجة باتنين جنيه و نص , حتى
يبقى اسهل
و تانى
سلامات يا تعليم
تحديث
بنحاول نعمل اتفاق مع الدكتور احمد عبد الحميد على تخفيض للطلبة اللى رايحينله عن طريق المدونة
سجل اسمك بسرعة ...العرض سارى حتى نفاذ الكمية
ليه تدفع اكتر لما ممكن تدفع اقل

هناك ١٣ تعليقًا:

Ghada يقول...

lol
دانتِ فضحتي الراجل!
:D

monasosh يقول...

ghada
هو اللى فضح نفسه من قبل حتى اما اتدخل
:)
سعيدة بوجودك

sherif nagib:
انا هو ده اللى استفزنى , البجاحة اللى فيها. يللا, بكرة نشوف اكتر من كدة

غير معرف يقول...

الحمد لله لم اعش هذه الكوميديا السخيفة طوال سنوات دراستي سواء في مصر او في المانيا لكن كن كنت اشعر بهذا السخف في عيون زملائي من طلبة باقي الكليات
الله يكون في عون الناس

karakib يقول...

قرررب شوف و تعالي وبص بجنيه و نص
زلزال الفيزياء
و عاصفه الكيمياء
و بركان الاحياء
كوارث طبيعيه كلها
و الأعلان في أعتراف ضمني بأنه الميدتيرم درجاته تتظبط يا حبيبي بس فتح دماغك
و قررررررررررب كله بربع جنيييه

monasosh يقول...

karakib
احييك على الدعاية, كسبت معانا حصتين مراجعة ببلاش, مش بس كدة , و مسموح اصطحاب فرد معاك
:) يعنى دلع على الاخر

ألِف يقول...

أما أنا ساذج صحيح!

كنت فاكر أنت مدرسين الجامعة ما بيعلنوش عن الدروس لأنه عيب و مخالف للوائح و بيكتموا على الموضوع؛ و قعدت أتخانق مع بابا لما قال لي عن دكتور في كلية طب بيدي الكورس الخصوصي ب500 جنيه في شهرين في جامع في مصر الجديدة.

frozen love يقول...

ya nhar 3bt..homma sabo eh llatfal kda..da t3lem gam3y?!!!..rbna yltf bena

masrawy 3'alabawy يقول...

طاب انا بذاكر من الاضواء ولو خلصتو ماما هاتجيبلى سلاح التلميذ تفتكرى لازم اخد درس مع ديناصور الفيزيا ده

hurricane_x يقول...

7elwa '7amsa sya7a 2elly 3amlaha leldoctor :)
sometimes I think that the purpose of education in Egypt is to be able to store any amount of irrelevant information, in the shortest period of time,..and lose it in one second after the exams!!

الحصان الأسود يقول...

دة مش دكتور دي بياع لب

انا لو منك احط اعلان من اعلاناتة دي في جواب واسيبة في مكتب عميد الكلية

تحياتي

غير معرف يقول...

walahy di fekra gamda mata5dihash tahrig ya ma3t, lama tesibi lel3amid gawab momken ye7es 3ala damo
bas enty keda etfada7ty _maftekersh 3amid koleyet 3elom beye2ra blogs ;) ....Min 3aref.

O.S يقول...

Hello Ma3t,

What you're displaying here is totally natural, and is nothing new. My father is a faculty professer in a "koleya 3amaleya" in Cairo University, and he's been fighting private lessons all his life. As a result, he got offered bribes, lafa2oolo toham, tried to screw his only source of good income...the books he spent countless hours writing and preparing and they tried everything possible to get him off their backs you can possibly imagine. These doroos brings in millions of egyptian pounds believe it or not, especially in colleges like medicine, pharmacy, dentistry, 3oloom, and engineering.

One last note to the people who commented saying that ennek "fadahtee"...people...I promise you that this doctor has mo3edeen under his wings and he most probably pays directly to el 3ameed we kolo beykhames fe feloos el shabab...we mesh mohem quality wala education walla yahzanoon...thank god..I did my time...I survived and I left...good luck to all of you struggling out there.

Elsede3' يقول...

yanhar abyad!!!!
heyya 7asalet boshra lel talaba???
da 3amel zay e3lanat koraset elawal aslan...
we ba3deen howa meh elmafrood eldakatra matedeesh deroos walla ana 3aysh fe utopia???