الاثنين، ديسمبر 11، 2006

سلامات يا تعليم


المكان: انظر الصورة
الموقع بالتحديد: مدرج مشرفة, كلية العلوم
الحدث: محاضرة كيمياء لطلبة الصف الرابع, جميع الشعب
الفئة: يختلف البعض على انتمائها لل"كوميديا السوداء" ام " الخيال العلمى"
الابطال على حسب ترتيب الظهور:
العميد, الشخصية الرئيسية
مسئولين اخرين, لم تعلن هويتهم

المشهد:
يمتلئ المدرج تماما بالطلبة, حتى ان البعض جلس على الارض, ليستمعوا لمحاضرة العميد فى مادة الكيمياء التى يدرسها هو و اساتذة اخرين
بعد ان انهى العميد الشرح, و بوقاره المعهود يعلمنا بالفكرة الجديدة المقترحة لمساعدة الطلبة فى بعض المواد, من ضمنها المادة التى يدرسها. و الفكرة هى توفير محاضرات اضافية للمراجعة و حل المسائل, و التدريب على نظام الامتحان

لحد دلوقتى حلو...كل الدكاترة المحترمين بيستقطعوا من وقتهم جزأ عشان يدونا محاضرات اضافية, و يساعدونا و يطمنونا من ناحية الامتحان
المهزلة لسة جاية

ثم يعلمنا ان ذلك سيتم مقابل مبالغ نقدية , توجه لصندوق الكلية, لتستفيد الكلية منها
و يضيف- بجلالة قدره- ليطمئن الطلاب ان المبلغ المطلوب, مبلغ رمزى جدا, و ان فى ذلك مصلحة الطلبة, الذى يعلم انهم يدفعون مبالغ كبيرة فى المراجعات النهائية و الدروس الخصوصية

بجد انا كنت قاعدة فى مكانى مش مصدقة
كنت مكسوفاله ...استاذ وقور يقف يعلن عن محاضرات مراجعة بفلوس
و كنت متعصبة انهم خلاص مابقوش عارفين يشوفوا الابتذال و العيب فى افعالهم

هناك 16 تعليقًا:

still breathing يقول...

انا كمان في كلية العلوم..بس سنة تالتة في عين شمس

ازاي أصلا قدر يقول لكم انه عايز فلوس؟

دي بجد مهزلة!!!!!

Alaa يقول...

الراجل عاملكم مجموعة ليه نكران الجميل؟

karakib يقول...

:) دي بدايه لحاجات تانيه كتير أوي .. و الهدف المعلن أكيد اكيد نبيل جدا ألا و هو مساعدة الطلبه المحتاجين أو ما اعرفش أيحاجه من نوعيه أنا هاني ابقوا تعالوا زوروني ... لحد ما الناس تتعود و لما تتعود يبقي خلاص مافيش سبب و لا هدف هو كده .. و مافيش حد هايعترض
جربي كده تقولي للناس يا جماعه بلاش نروح كلنا علشان ده من المبدأ غلط .. هتلاقي اللي يبص لك و يضحك و اللي يقولك ماشي كلام صح و يومها يكون قاعد في أول صف ... ان ما كانش الناس عندها رغبه في فرض رأيهها و تطبيقه .. يبقي استحاله تحصل أي حاجه عدله أبدا
و بعدين أبتذال ايه و كلام كبير أيه .. هو في أيه مافيهوش ابتذال يعني علشان نقول عليه حلو ما كله مبتذل مهان مذلول

Ma3t يقول...

مش هاجرب اقول للطلبة ما يروحوش من باب المبدأ, لان فى النهاية الطلبة خايفين و عايزين اى حاجة تنجحهم, و فى دماغهم ان بدال اما ده العميد, يبقى اكيد الامتحان فى ايده حتى لو ٤ اساتذة كمان بيدرسوا معاه المادة دى
انا اصلا عندى تخيل ان الاقتراح ده ماكانش اتصدق, او اتوافق عليه بشكل رسمى فى الكلية
و اللى محسسنى كده, انه قال اللى عايز المحاضرات دى يكتب اسمه فى ورقة فى خلال يومين تتسلم الورقة بالاسامى
و بعدين هنشوف التفاصيل
كأنه عايز يروح بعد كدة يقول لمجلس الكلية, شايفين ده الطلبة هم اللى عايزينه, بصوا كام واحد سجل اسمه
!!!!!!!!

Ma3t يقول...

Still breathing:
i read ur profile, and it turns our u r like me, a student of the faculty of science, chem=zoology
hehe how are el DAFADE3 ma3aki???
:)

Froggy يقول...

"hehe how are el DAFADE3 ma3aki???"
Will you leave us frogs alone!

When uni becomes for money and we're longer recruits, we're going to make you pay for our time, you know.

Ma3t يقول...

froggy:
we're already paying a hell of a lot for ur time u know.
our ENERGIES are quitre valuable too
;)

frozen love يقول...

ya nhar nas mhz2a ...bgd!!!...lol

wlahy msh 3arf a2ol eh..elly hwa elfkra kwysa bs ana 7ases beky wenty btsm3eh ...ezay y3ny..hwa ento kda wla m7tagen kda wla eh nzamko!!!...rbna ystrha 3lena

غير معرف يقول...

على فكره انا مش شايف اى غلط فى الموضوع بتاع المحاضرات الاضافيه ده حيكون فى مصلحه الطلبه واللى مش قادر يدفع خلاص يعتبر ان الموضوع لم يكن اصلا ومعلش على تدخلى المفاجئ انا بس شدنى تعصبك على الموضوع وانا اسف كمان مره لو ضايقتك بس بجد بيعجبنى تعليقاتك الجريئه الجامده على الموقع ده وياريت نبقى اصحاب انا اسمى (wayaelmasry)وربنا يوفقك يا ماعت فى الكليه اللى تعباكى دى

Ma3t يقول...

Waelelmasry
موافقاك طبعا ان محاضرات اضافية فكرة كويسة, و فى مصلحة الطلبة
انا اللى مضايقنى انها بفلوس
اولا التعليم الجامعى المفروض مجانى, و بعدين طول عمرنا الدكاترة بيدونا محاضرات اضافية لان ده جزأ من وظيفتهم, لكن لما فجأة يقرروا يسترزقوا من وراها, يبقى قلة ادب
و يعنى ايه اللى يدفع خلاص, يعتبر ان الموضوع لم يكن اصلا؟؟؟ لا طبعا, خدمات الجامعة المفروض تبقى متاحة لكل الطلبة’ انا باتكلم عن الخدمات التعليمية , مش الترفيهية اللى زى الرحلات
و بعدين مين قال انى اللى مش هيقدر مش هيدفع, لا طبعا, الطلبة عندها ذعر , , و اللى مش فى مقدرته هيقطم وسطه عشان يدفع
انت مش عارف قد ايه زمايل ليه بيبقى صعب عليهم دفع تمن الكتب , و احنا المفروض كلية كتبها رخيصة
تانى باكد , انا مش بس اعتراضى الطلبة يقدروا ولا لا, انا اعتراضى الاساسى اخلاقى, ان فجأة يتقلب الموضوع تجارة و محاولا لم فلوس

Ma3t يقول...

نسيت اضيف
اكيد من غير كلام احنا اصحاب
اى مؤيد لمدونتى مرحب بيه, بكرة ابقى محتاجاكوا وقت حملتى الانتخابية
:)
اه وقتها, هاوفر مجاميع تقوية بسعر مخفض

masrawy 3'alabawy يقول...

يا ستى الاقربون اولى بالمعروف وشيلنى وشيلك وليه قرشيك يروح بارا لما ممكن يجى جوه

O.S يقول...

Free education should stop after sanaweya...it has done nothing but create messed up generations who are nothing but dependent parasites. How are you expecting the professor to make a living? How do you expect the buildings to be revamped? How do you expect them to pay for anything on the very limited budget the government provides for education. People HAVE to pay to get a good education that would make them valuable assests in society. When people pay for their education they know they have to make the most out of it. Bas lamma adfa3 30 geneh fil sana, da howa el tahreeg. we ba3dein neshteky men el doroos el khosooseya. If the professor is well paid while in class, he wouldnt have looked for other sources. I see nothing wrong with the 3ameed coming in and announcing this, this is a totally ligitimate decision. Instead of paying 5000 LE for doroos, you could end up paying 1/10th of it in magamee3. We kolo tab3an mehasal ba3do...what I call the Vomit approach...ehfaz we raga3.

The only problem I see with paid education in Egypt is that they will devise yet another way to steal the money.

Go figure.

O.S يقول...

And just before anybody starts talking about how the less advantaged people wont be able to afford paid education, I tell them that the less advantaged will have the chance to enroll through scholarships and "mena7" in terms of academic/sporting/talent excellence, like any semi-/advanced country in the world.

Ma3t يقول...

O.s
i understand ur argument. but what u r talking about can only be feasible if we don't have a such a corrupt system. but the fact is "our system is way too corrupt" so we have no coice but to deal with it accordigly.
If u provide the chance of monye profit, ligitimately through the university, then really all u r doing is just providing more chances of stealing the money, but under a legitimate cover.
I know that the profs in Egypt are under paid, my mom is a university prof, and we have to live with that...but i don't think that should mean we should call for payed tuition in the universities.
and let's be clear about one thing, it isn't true that if the prof is well paid, he won't go for doroos 7'osooseya. really some of them are just greedy. i know of one who lives in such luxury, i can only afford if i started a career as a striptease dancer :D

You know, el mashroo3 el ta3limy el gedid has ektra7 like the scholar ships u r talking about, but like everything, they don't won't to let up to each faculty to decide their own conditions for choosing the applicants for the scholarships. which only means that it'd be in the hands of ignorant and corrupt mas2oolin, and which ultimately leads to those who have wasayet and power are those who'd benefit from scholarships
So to cut it short. it is a vicious circle

زرقاء اليمامة يقول...

عارفة يا ماعت انا السنة اللى فاتت كان رئيس القسم بيدينى مادتين وهما مادتين سهلين اصلا
المهم جينا يوم النتيجة اكتشفنا ان 120 واحد فى الدفعة شايلهم ودفعتنا اصلا 200 وشوية صغيرين
بنسأل الدكتور طب ليه كده يعنى
قال عشان تشترو الكتاب تااااااااااانى السنة الجايه
مهو اصل احنا كنا اشتريناه اولانى بالاضافة لمذكرات
وفعلا اشترينا الكتاب والمذكرات تانى السنة
شفتى انتى بجاحة اكتر من كده
استاذ ورئيس قسم بيعترف انه مادى وابن كلب
ولا عميد كليه بيقول انه عايز فلوس
بجد قلة أدب