الثلاثاء، ديسمبر 19، 2006

االحياة

و كأن الحياة تلاعبنى, او تتلاعب بى
اركب التاكسى, و يمر بجانب كشك ورد. استرجع يوم طوته ذاكرتى. لا اعلم من اين استعدته و لا اين اخفيته, كأنه كان مردوم تحت الايام الاليمة التى تبعته, او ربما اردت ان اتجاهله, لاجبر الامى على دفعى بعيدا عنه
استعدت تلك اللحظة عندما انتقى لى وردة واحدة, احتفظت بها حتى جفت و تاكلت تماما
كأننى باستعادة ملامح هذا اليوم , استعدت صورته الاولى النقية. صورة ذلك الفتى الذى انبهر باحلامى الطفولية, و اعاد الموسيقى الى
عالمى
تجاوز التاكسى كشك الورد, و للحظة فكرت ان ابعث له برسالة, ثم عدلت عن ذلك
اعجب من تحول مشاعرى تجاهه من مشاعر الحبيبة الى مزيج غريب من مشاعر الام و الصديقة المقربة
شعور شديد بالمسئولية تجاهه لا استطيع تجاوزه
اراقب تغير المنظر من حولى , و التاكسى يسير ببطء. عند انتهاء الشارع قبل ان ينعطف التاكسى يمينا , اجده يقف مع اصدقائه, و كأنى لفظته لتوى من ذاكرتى
رأيته كما كان منذ 4 سنين, يضحك
لم يسعنى الا ان ابتسم, و امسكت هاتفى المحمول و اتصلت به: الو..ايه يا عم, بتعمل ايه عندك فى الشارع...لا لا كنت فى التاكسى ما كانش ينفع انزل اسلم
بداخلى , احنيت رأسى للحياة, اعترافا منى انها لازالت قادرة على مفاجأتى

هناك 16 تعليقًا:

غير معرف يقول...

JH

غير معرف يقول...

DS,S,MNCM NV,MBN

Ahmoss يقول...

أنا كمان في أسئلة من النوع ده تحيرني .. إزاي نفس الإنسانة يتحول موقعها في وجداني أكثر من مرة.
ولو أن الإنسان لايتغير مع مرور الوقت طال أو قصر.
تحياتي

Elsede3' يقول...

بداخلى , احنيت رأسى للحياة, اعترافا منى انها لازالت قادرة على مفاجأتى

3ala tool bete3raf
liked this post giddan, malyan keda 3ala elra3'm men enno baseet
3arfa el flash beta3 men in black da??
elly howa toboseelo we poof tensy kol 7aga, mofeed sa7??

karakib يقول...

*كشك ورد
* اعاد الموسيقي الي عالمي
*كأنه كان مردوم تحت الأيام الأليمه التي تبعته
*مزيج غريب من مشاعر الام و الصديقه المقربه
*من 4 سنين يضحك
*لم يسعني الا أن أبتسم
-------------------------
أن كان هو يبتسم و انت لا
ان كان هو صاحب الورد و الموسيقي الخفيه التي تتسرب الي الحياه بمجرد رؤيته
ان كان يملك تلك الأبتسامه المشعه
ده حد يتساب ده صحيح المرأه مخلوق غامض غريب

Ma3t يقول...

elsede3'
i know that thingy from MIB, i used to tell my friends " wouldn't be 7aga say3a to have such a thing?"
ah but not to make me forget, but to make others forget

Ma3t يقول...

كراكيب
لو الحياة بالبساطة دى ماكانش زمان حد تعب

karakib يقول...

مين قال أني شايف الحياه بسيطه ؟ لأ الحياه صعبه أوي علشان كده الواحد لما بيلاقي حاجه حلوه بيحارب و بيرفض أنه يسيبها .. أنما يبقي عارف أنها حلوه و يكتب فيها أشعار من غير مايقوم ياخدها ده الغريب أنه الواحد يتفرج عالميه و هو عطشان و ما يحاولش ياخدها

Ma3t يقول...

كراكيب
كان قصدى انك حكمت من كام كلمة على حاجة, فيها مواويل تانية كتير
من اوائل التدوينات اللى كتبتها كانت عن وجعى وقتها, كانت بالانجليزى
اللى فرحنى انى افتكرت يوم حلو معاه, و بالتالى استرديت صورته الكويسة جوايا
بعدين مين قال عطشان؟؟ :)

karakib يقول...

ربما أكون حكمت من كلام قليل لكني حسيت أنه فيه أنبساط .. الواحد ما بيصدق يلاقي حاجه تفرحه .. طبعا أنا مش فاهم كل حاجه ولاحتي ربع تمن الحاجه لكن أحساس السعاده المكتوم اللي حسيته فالبوست خلاني أقول كده
بس :) خلاص

غير معرف يقول...

هااااااااااااى انا (wayaelmasry) فاكرانى انتى ليه حاسه بسعاده وفى نفس الوقت بحزن غريب هوه ده انتى كنتى من مرتبطه بيه ولا ايه اصلى حسيت بكده عتدما قولتى (انتقى لى ورده فاحتفظتى بها )وشكله ضرك جامد علشان تغير الحب الى صداقه ومع ذلك ده مش موضوعنا انتى مش فى كليه العلوم فالمفروض عندك امتحانات اعدى زاكرى احسن لك وابقى اكتبى لينا بعدين مع انى بحب اسمع كلامك كل يوم مع تحيات wayaelmasry

دينا يقول...

اكنر كلمة شدتني في اللي انتي كاتباه هي احساس المسؤولية الشديد اللي انتي حساه ناحيته
الكلمة شدتني قوي لاني عندي نفس الاحساس ناحية حد حبيته قوي وكنا هنرتبط لكن الظروف فرقتنا بس لسه بنكتب لبعض من حين للتاني. بحس اني أمه وببقى عايزة اطمن عليه علطول. ساعات بساعده في شغله ولو عنده مشكلة ببقى طول الوقت بفكر فيها وبحاول اتكلم معاه فيها. لغاية النهاردة مش متخيلة اني ممكن احب حد تاني في يوم. بس ده مش موضوعنا. انا بس حبيت اقولك ان كلمتك شدتني قوي عشان كنت فاكرة انه احساس غريب مش عارفة مصدره وكنت فاكرة اني مش هعرف اشرحه لاي حد عشان مش هيفهمني. انا نفسي اسأل سؤال ويجاوبني راجل. هو الراجل كمان بيحب بالطريقة دي؟ ولو حب الولد للبنت مختلف عن حب البنت للولد؟

karakib يقول...

دينا أكيد حب البنت مختلف عن حب الولد لأني مش قادر أفهم ازاي أحب حد و أزاي أسيبه
حب أنتهي .. لم يكن حب
كان صداقه معزه
أنما الحب لا ينتهي و لا يتغير شكل العلاقه .. من حبيبه لأم أبدا

Ma3t يقول...

كراكيب و وائل:
بدون الدخول فى تفاصيل, هى فعلا قصة و
انتهت , و انا مش زعلانة من ده. لكن سعيدة اكتر دلوقتى انى فى نقطة كويسة فى حياتى تسمحلى اشوف الحاجات الحلوة اللى كانت موجودة, و بالتالى اتسامح مع الماضى
وائل:
عندى امتحانات , بس امتحاناتى هتكمل لحد شهر فبراير, يعنى لو ما كتبتش هاجنن
بس غالبا الفترة الجاية هتبقى كلها كتابات عن انى باشد فى شعرى :) و هو منعكش خلقة, فمش ناقص

دينا:
فاهمة اللى انتى بتقوليه اوى. بس انا فاهمة ان احساس المسئولية يبقى موجود, بالذات لما تبقى علاقة كنتى انتى فيها بتتابعى شغله و حياته, و تحاولى تنظميها.لكن انا استوعبت ان انا حبيت فكرة اعتماد حد عليا. دلوقتى لسة باحس بان انا مسئولة عنه, و مش باحاول اتخطى الاحساس ده لانى مش شايفاه غريب او غلط. انا مبسوطة فى حياتى دلوقتى, اكيد اقدر احط جزا من انبساطى فى ان انا اساعد حد عزيز عليا, و كان بينى و بينه عشرة
بس انتى بتقولى انك مش ممكن تحبى حد تانى, يبقى الموضو مختلف عندك..اما بالنسبة لحب البنت و الولد, انا مش شايفة حاجة اسمها كدة. حب كل انسان اعتقد بيختلف عن التانى , و حتى طرق اظهار الحب بتختلف من شخص للتانى, بنت او ولد

karim يقول...

أسلوبك رائع و كلماتك هزتني أوي ورجعتيني معاكي لحالة حنين لذكريات قديمة وبرغم بساطة الحدوتة لكنها مليانة أحاسيس خلتني في حالة أول مرة أحس بيها وبرغم إني معروف بصلابة مشاعري وإنعدام الرومانسية(حيوان من الأخر) لقيت دموعي بتنزل وأنا بقرأ كلامك ,كأني بحاول أرجع شريط الحياة وأتفرج على أيامنا الحلوة

Ma3t يقول...

karim
تأثرت بتعليقك جدا