السبت، فبراير ١٣، ٢٠١٠

بحثاً عن السكينة

مزاجي رايق
عارفة انها حالة لحظية و ممكن جداً تبقى تلاشت تماما على بال ما أوصل لأخر التدوينة دي, بس انا هاقتنص فرصة اني في حالة امتنان للدنيا و روقان ماحسيتهاش بقال كتير

وحشني
طوال اليوم باسترجع صور بتجمعني بيه, لمحات صغيرة و سريعة لينا مع بعض. و اعترفت لنفسي أخيراً بقد ايه انا مفتقداه.
الصور مش وجعاني, أو على الأقل مش حاسة ان مع كل صورة نفسي بيتخطف مني و تقل بيكتم على قلبي. لكن مع كل صورة باحس بلسعة خفيفة, زي اما تفرد حلاوة سخنة سايحة على ايدك, الأول بتلسع بس لو صبرت على الوجع ثانية, اللسعة بتقلب دفا .
مش وحشني عشان هو حبيبي, و لا وحشني عشان حلمت بيه من يومين و صحيت بالمس الصباع التاني في ايدي اليمين.
وحشني عشان الدنيا متجننة عليا الأيام دي. ناس كتير باحبهم موجوعين, علاقات بتنهار, قصص حب بتتدفن, احساس بالمسئولية هيقطمني. في وسط كل الدراما دي وحشني جداً احساس السكينة اللي ساعات كنت بانجح في الوصول ليه بس و انا معاه.

لما باحاول أوصف ايه اكتر حاجة بتوحشني , عقلي بيرد عليا بصورة واحدة:
انا متكلفتة جوة حضنه و باحاول أقاوم النوم, حواليناصخب و أصحاب كتير هو مركز في النقاش معاهم بس ايده , و هو مش واخد باله بتداعب خدي بحنية.

هناك ٧ تعليقات:

Evaluna يقول...

:)

Eman M يقول...

tanheda 3ameqa .. hmph ...

hema يقول...

مدونة رائعة بالتوفيق لك اخى
أخبار مصر اليوم , أحدث الأخبار المصرية أولا بأول ننقلها بين يديك ، آخر الأخبار والأنباء العاجلة وطائفة من التحقيقات والتحليلات والتقارير المفصلة الخاصة بجمهورية مصر العربية من أخبار رياضية ,أخبار المنتخب المصرى و النادى الاهلى و نادى الزمالك والاخبار السياسية والاخبار الاقتصادية والاخبار الاجتماعية , والاخبار المحلية اخبار الفنانين أخبار الحواث أخبار الجرائم موجز لاهم الانباء والاخبار نضعة بين يديك على مدار الساعة , وايضا العالمية كل ذلك بين يديك
أخبار مصر اليوم
http://egyptnewstoday.blogspot.com

koora يقول...

جزاك الله

koora يقول...

مشكوووووووووووووووووووووور

تاس فلورنس يقول...

مشكورررررررررررر

Alia Mossallam يقول...

;) seme3tek awi. Longing keeps something alive inside us