اصطدمت بحائط جديد من الاحباط اليوم
انا ضمن 152 طلبة دراسات عليا اخدوا منحة من اكاديمية البحث العلمي للتفرغ للبحث العلمي و رسالة الماجستير لمد سنتين. المفروض انه الهدف الاساسي المعلن للمنحة دي هو خلق جيل جديد من الباحثين القادرين على القيام بالبحث العلمي بكفاءة.
جزأ اجباري من المنحة اننا نتفرغ 6 شهور كاملين لمجموعة من الدورات التدريبية و ورش العمل لاكسابنا مهارات متنوعة هم شايفين انه لابد من تواجدها في اي باحث كفء, ده موضوع تاني مرة بروقان ممكن احكي عنه
المهم, النهاردة في استراحة الغدا , ابتدوا الشباب يدردشوا في مواضيع مختلفة و بشكل غامض جداً الكلام انتقل للزواج و منه طبعاً دور المرأة و الرجل و اخيراً موضوعي المفضل "عمل المرأة" . و كانت صدمتي , كل الحاضرين فيما عدا بنت واحدة-(للي كانوا تقريباً مابين 25-30 شخص) اعلنوا بشكل واضح جداً انهم ضد عمل المرأة مع العلم بان نصف المجموعة بنات.
هو ده جيل الباحثين اللي مصر مستنياه.
مبروك عليكي خيرة شبابك يا مصر
انا ضمن 152 طلبة دراسات عليا اخدوا منحة من اكاديمية البحث العلمي للتفرغ للبحث العلمي و رسالة الماجستير لمد سنتين. المفروض انه الهدف الاساسي المعلن للمنحة دي هو خلق جيل جديد من الباحثين القادرين على القيام بالبحث العلمي بكفاءة.
جزأ اجباري من المنحة اننا نتفرغ 6 شهور كاملين لمجموعة من الدورات التدريبية و ورش العمل لاكسابنا مهارات متنوعة هم شايفين انه لابد من تواجدها في اي باحث كفء, ده موضوع تاني مرة بروقان ممكن احكي عنه
المهم, النهاردة في استراحة الغدا , ابتدوا الشباب يدردشوا في مواضيع مختلفة و بشكل غامض جداً الكلام انتقل للزواج و منه طبعاً دور المرأة و الرجل و اخيراً موضوعي المفضل "عمل المرأة" . و كانت صدمتي , كل الحاضرين فيما عدا بنت واحدة-(للي كانوا تقريباً مابين 25-30 شخص) اعلنوا بشكل واضح جداً انهم ضد عمل المرأة مع العلم بان نصف المجموعة بنات.
هو ده جيل الباحثين اللي مصر مستنياه.
مبروك عليكي خيرة شبابك يا مصر
هناك ١٢ تعليقًا:
يا سلام ! و واجعين قلبهم و مضيعين ضرايبنا في دراسات عليا ليه بقى؟ بدل الزهق من الكلام في التليفون و مرواح المول؟
أصل حسب معرفتي الدراسات العليا مش أضافة ممكن تزود فرصهم عند العريس المرتقب.
هو المنحة مش ملزمة بأي شكل في المستقبل؟
حد منهم في هيئة التدريس؟ دول بيدرسوا ايه؟
انا لما خدت منحة معهد تكنولوجيا المعلومات ، القسم بتاعى كان 10 ، 6 بنات واربع ولاد ، بنت واحدة اشتغلت بالمنحة وبنت اشتغلت حاجة تانية خالص والباقى اتجوزوا وقعدوا فى البيت و3 منهم اتنقبوا
البسى يا بلد
تؤتؤتؤ
هو برده أحسن أنهم ما يشتغلوش!، حد كده لو اشتغل حيبقى موظف مش باحث، ومش مبدع بالمرة!
على كل البنات دول وقريناتهم هأبقى أنفيهم بره البلد لما خططي المستقبلية تتحقق باذن الله!، محتاجة اكلمك عنها بالتفصيل.. جحييييم ;)
المجهول الأولاني بيستخدم الإملا بالطريقة الغربية. قفشتك يا لوبز.
هههه... عمل المرأة حرام يا أخت ماعت.. اما العلم فمسموح مادام هدفه فى الأساس شئ مشروع مثل الزواج وغيره!
*^*
:\
ommal beyhabbebbo eh fe om el men7a de????
el balad de mashya bel 3aks! :\ :\
lol, i would've loved to see your reaction though!!
3adi gedan!!:) malek me7abekaha keda leah? beisaloh wa2tohom l 7ad maigelhom el 3adal:)!!
أيوة يا بنتي انتي ماتعرفيش ان الواحدة لازم تشغل نفسها بما ينفع لحد مايجيلها نصيبها! كمان العلم هيخليها تعرف تؤدي دورها كأم، لأن زي ماحنا عارفين هو ده الهدف الأساسي من تعليم الأنثى.. وزيادة الخير خيرين وكده.
مش انا قلتلك ماتخليش حد ييجي على أعصابك. عايزاكي تمشي بعدّة تلوين واللي يعصّبك تخبطيه فرشة أصفر فاقع في وشّه.
التفسير اللي قالوه على ليه هم في المنحة دي من أصله, كان انهم عايزين ولادهم يفخروا بيهم. حتى الولاد اللي كانوا بيحاولو يظهرومنصفين للمرأة كانوا بيقولوا انهم ماعندهمش مشكلة انهاتشتغل لو قدرت توفق بين الشغل و البيت, و اول اما الف ضهري كانوا بيقولوا " ده طبعاً مستحيل"
اللي يعصب كمان انهم اكتر دورة استفادوا منها كان المدربين سيدات. و قعدوا يمدحوا في ادائهم و أسلوبهم و ازاي انهم قدوة ليهم. لكن لما كنت باتناقش معاهم في موضوع عمل المرأة اول حاجة اتقالتلي هي " يعني الستات اللي بيشتغلوا هنا بيروحوا الساعة 6 او 7 , ده ينفع؟"
عامة هو جو التعليم كله في مصر محبط, ماجاتش على دي كمان
Ouch.
Deh fe3lan 7aga mo2sefa geddan geddan
Bass essra7a ya3ny el denya hayfdal feeha nass beqana3at mo7'talefa w mostfezza :D
انا عارفة طبعا ان دايما هيبقى فيه ناس اراءهم مختلفة. انا اللي مجنني ان دول اللي تم اختيارهم من بين كتير عشان يحصلوا على منحة عشان ينهضوا بالبحث العلمي في مصر
يعني الفلوس دي فيه ناس تانية في رأيي اولى بيها
يللا معلش! :)
هههههههههههههههههههههههههههه
والله ضحكتيني هذه المرة !!!
اوك طيب انتي يا محبة (عمل المرأة) كملي دراستك وابني مستقبلك ...
ومثلما بيقول المثل . اللي يده في الجنة مش زي اللي يده في النار .
يعني يا بنوته ، بكرة تخلفي عفاريت صغار ووقتها حتحطي نفسك في الامر الواقع ، يا أما اربي اولادي تربيه صالحه واترك العمل يا اما اترك الاولاد للناني واروح اشتغل ..
وعلى العموم اختلاف الآراء لا يفسد للود قضية ..
إرسال تعليق