السبت، يونيو ٠٩، ٢٠١٨

مساحات

الكتابة صعبة 
فيه حاجة مرعبة في انك تفتح صفحة بيضاء وتسيب اللي جواك ينساب في كلام لبرة 

زمان كان ده تفاعل باتحمسله 
2014 داست على زرار غيرني للعكس تماما 
من البنت اللي عايزة تشرك كل الناس حواديتها ومشاعرها وعوالمها 
للبنت اللي عايزة تحضن كل تناتيفها جوة نفسها في شرنقة وتستخبى من العالم

2014 كانت تحدي فوق كل قدراتي


النهاردة قررت احاول اكتب 
سنتين, كل كام اسبوع افتح المدونة وابص عليها واستعجب, كل نسخة وكل مرحلة مني 
كأني باتفرج على حياة حد تاني في فيلم, كل الأحداث بعيدة عني 
أو كأني مستية التترات تنزل عشان ارجع لحياتي الحقيقية, حياتي زي ما اعرفها وشخصيتي زي ما فاكراها
ارجع لحياة فيها بابا على كرسيه بيتفرج عالتليفزيون ويتريق عليا 
فيها علاء بيناغشني ويدور عليا اونلاين 
فيها خالد بيكبر في حضن علاء ومنال 
...
مش عايزة اسيب عقلي يمشي ورا الاثر ده, لأنه اخرته عياط وقلبي هيتكسر للمرة الالف ويتفرط مني 

ساعات الاغتراب بيحكم قبضته فباحس كأني جزء من أحداث ما تخصنيش
طرة, كل مشوار بالليل, شراء مستلزمات البيت, الاجتماعات, متابعة الأخبار 
الا أغسطس 2014 
أغسطس هيفضل جزء موجع ومدمر من حياتي وتكويني ماهما حاولت استخبى جوة خيالاتي أو لحظات توهان ذاكرتي المؤقتة
كل حاجة 
ريحة المنظف, الاضاءة النيون, ملمس ايده, تغير شكله ايده وانتفاخها, لحظات يقظته, الأكل, لحظات غضبي, فيض الحب, كلامي, كلامه, الأغاني, الصمت, صوت الأجهزة, واللحظة الحقيرة بتاعة تصفير الأجهزة, وأول حاجة ماما قالتهاله

عمري ما كنت متخيلة ان ينفع تفاصيل تكتسب قدرة فائقة كدة على الوجع ..  تتوهم انها بتخفت بمرور الوقت, بس تتفاجئ انها اتسربت وغرست في مساحات تانية مستخبية من روحك


 عارفة اني لازم ألاقي مساحة معتدلة بين كل ده
عارفة اني لازم أفك قبضتي عن صورتي عن نفسي وحياتي زمان
عارفة اني لازم ابطل اتعامل مع السنوات دي على انها ترانزيت واتقبل انها حياتي, الصورة الكبيرة برة سيطرتي تماما, والقسوة محاوطانا أيا كان, بس أنا بايدي التفاصيل, أو حبة من التفاصيل ولحظات مهمة دلوقتي حالا رغم كل شئ
يعني ماهما حاولت, مافيش حاجة هتغير حقيقة ان يوم جوازي كان بغياب بابا وتغييب علاء
بس كمان ده مايغيرش حقيقة اني اتجوزت الحب, حب عمري, حب كل نسخي اللي فاتت وحبي أنا دلوقتي وللنهائية ومابعدها :)
وعارفة ان في لحظات الصفا باعترف لنفسي اني رغم كل شئ فخورة 
فخورة بيا وبينا, بقدرتي على التحمل, واننا في وسط كل ده قادرين نلاقي تفاصيل حب ونخلقلها براح صغير تزهر فيه

خطوة
نفس
براح مختلس
حب .. دايما وكتير





هناك ٣ تعليقات:

ابوعدي للتسوق يقول...

شركة مكافحة حشرات بالدمام
شركة كشف تسربات المياة بالدمام
شركة تنظيف مجالس بالدمام
شركة تنظيف سجاد بالدمام
شركة تسليك مجاري بالدمام
شركة المثالية للتنظيف بالقطيف
شركة المثالية للتنظيف بالجبيل

مجموعة رمضون العالمية يقول...

Virtual Classrooms
الفصول الافتراضية
المدرسة و الفصول الافتراضية
برمجة مواقع
تصميم مواقع
برامج محاسبة
مواقع الكترونية
برمجة برامج

مجموعة رمضون العالمية يقول...


محطات تحيلة المياه
تقوم شركتنا بمجموعة من الاعمال الإحترافية بمجال محطات التحلية حيث نقوم بعمل مجموعة من الإستشارات والدراسات الهندسية وتنفيذ وتصميم محطات تحلية مياه الشرب لجميع الإحتياجات والانتاجيات و حفر ابار المياه، وتحلية مياه الآبار و مياه البحر وتكرير مياه الصرف الصحي ..إلخ

مصيدة زيت مصائد الزيوت والشحوم والشوائب من أجل حماية البيئة تم اعتماده من منظمة البيئة العالمية لحماية شبكة الصرف الصحى من الإنسداد ويتم تركيبها فى جميع مصانع الأطعمة الجاهزة والحلويات والمطاعم والمطابخ والكافتيريات والبوفيهات والمخابز ومحلات الأسماك ومغاسل السيارات والمجمعات السكنية والفلل والبيوت وذلك لتجنب دخول شوائب وفضلات الأطعمه والشحوم والزيوت مجتمعه ببعضها وتراكمها فى مواسير شبكة الصرف الصحى ممايتسبب فى إنسداد مواسير المجاري وظهور المشاكل فى الأحياء السكنية والشوارع العامة كما يتسبب فى نشر الأوبئة والحشرات الضارة وإنتشارها الأمر الذى يستلزم بذل الجهد الب
دنى وما ادى لإزالة هذه الانسدادات .

مصيدة زيوت
مصايد زيت
مصايد زيوت
مصائد زيوت
محطات تحلية مياه
نظام ضباب
تحلية مياه الآبار
مياه