الأحد، يوليو 08، 2007

امسك حرامييييى



فيه حرامى عامل تدوينة اسمها مصاص الدماء,
masaseldemma2.blogspot


البنى ادم ده اخد بوستات قديمه من مدونة القطط العمياء لصاحبها جيفارا وبلوج عوليس وبلوج تياترو صاحب السعاده وبلوج غاده مع نفسى وحاططهم فى المدونة اللى مكتوبة فوق على انه هو اللى كاتبهم , و الاستاذ بيحذف التعليقات اللى مش عاجباه, و بالتالى التعليقات اللى بتقول عليه حرامى بتتمسح و بيسيب بس التعليقات اللى بتمتدح جمال كتاباته
جايز حد يشوف الموضوع صغير و مايستاهلش الدوشة دى, بس فى الاخر دى كتابات اصحاب و زملا لينا و هم بس اللى من حقهم يقرروا ايه اللى يتعمل بيها

هناك 11 تعليقًا:

karakib يقول...

yeb2a ne3melo fdi7a
kol elly ne3rafhom n2olohom
:D
eshta ya ma3t

Alaa يقول...

يا جماعة في عالم الانترنت كل ما يبقالك روابط أكثر كل ما أهميتك و شعبيتك و ظهورك على جووجل يزيد

أسوأ شيئ تعمله في وجود حرامي أنك تعمل رابط، لو مهم تقولي للناس عليه حطي مثلا الsubdomain بتاع المدونة و قوللي أنها على بلجسبوت بحيث يبقى لازم نكتب العنوان بنفسنا لكن متحطيش رابط

المفروض السادة المسروقين يبلغوا ادارة بلوجر و يرسلوا روابط للتدوينات الأصلية و المسروقة ده تعدي على شروط الخدمة و غالبا تقدروا تقنعوهم يمسحوا المدونة

Ma3t يقول...

تمام يا كراكيب, حانت ساعة الصف, ابدأ الفضيحة

علاء
عندك حق, انا اصلى باستغبى و مش بافكر فى الحاجات دى صح

Vampire يقول...

يا ريت يا جماعة الناس اللي بتشهر بالناس التانية من غير أدلة دي تبطل شوية

أنا صاحب المداونة اللي انتي حطاها دي

فين دليلك ان الكلام اللي فيها مسروق ؟
لمجرد ان حد قال كده تقومي تصدقيه ؟

يعني أنا شايف إن الموقع بتاعك متميز جداااا و واضح ان ليكي تفكيرك الذكي اللي يخليكي تعملي تصاميمك الخاصة اللي ما شفتهاش في أي مكان تاني غير هنا

فالأولى بقى إنك تشوفي صحة الكلام قبل ما تنشريه و تحطي أدلة عليه

و بالنسبة للشهرة و الأهمية اللي الأستاذ اللي فوق ده بيقول عليها
فأنا كفيل أزودها بسرعة مذهلة
و مستعد أدخل في تحدي معاكم ان الموقع بتاعي يتملي تعليقات و من ناس معروفة و مهمة من اللي عندهم مواقع برضة في أقل من شهر

تحياتي

Ma3t يقول...

الاخ المبجل مصاص الدماء
لما تعرف مدونين لفترة من الوقت, بعد شوية بتقدر تحكم مين كلامه فيه مصداقية و مين لا. ف ايوة ساعات فيه ناس معينين لمجد انهم قالوا عليك حرامى هاصدقهم لان انا عارفة قد ايه هما حقانيين. بس عشان ما تزعلش اوى كدة , الدليل على انك حرامى و بجح اهو
مدونة غادة " سامحونى ماكانش قصدى " فيها موضوعين انت كاتبهم عندك من المدونة بتاعتها اللى هتلاقيهم هنا زى ما انت عاف كويس http://sam7oni.blogspot.com/atom.xml
الاول " التوقيت هو الفيصل" و التانى بتاع " السعادة فيلم روائى قصير"... و بعدين ايه شغل المعيلة دى, روح اعمل التحدى بتاعك مع حد زيك
يللا شطبنا و هنرش المياه

karakib يقول...

بالنسبة للشهرة و الأهمية اللي الأستاذ اللي فوق ده بيقول عليها
فأنا كفيل أزودها بسرعة مذهلة
و مستعد أدخل في تحدي معاكم ان الموقع بتاعي يتملي تعليقات و من ناس معروفة و مهمة من اللي عندهم مواقع برضة في أقل من شهر

====================

مش فاهم انت تقصد بأيه ناس مشهورة و مهمه !؟ جديده دي

karakib يقول...

علي فكرة انا نزلت تنويه عن الموضوع عندي

Vampire يقول...

:)

يا باشمهندس كراكيب
مافيش أسهل من انك تزود شهرتك في عالم المداونات

و تخلي ناس موثوق فيها كمان تعلق عندك
شكرا ع التنويه

و شكرا يا قمرة ع المعلومات الخطيرة دي
بس فرضا ان تدوينات غادة كانت اتمسحت هيه كمان ، كنتي هاتجيبي دليل منين ؟
و على فكرة مداونات غادة ما اتمسحتش تماما لأن حذفها للمداونة كان قريب

ثم ان المسألة مش مسألة ثقتك انتي من عدمها

المسألة مسألة انك تجيبي دليل على حاجة انتي شايفاها صح عشان تقنعي اللي حواليكي بيها

لا اتهام بلا دليل

دي حاجة و الحاجة التانية ان كل المعلقين عند حضرتك 4 من ضمنهم سيادتك و سيادتي و هانفترض ان فيه كمان 20 دخلوا و شافوا الموضوع و مش علقوا و اكيد نصهم عابري سبيل مثلا

+ az
+
تنويه عابر عند الأستاذ كراكيب
+
وضع الأستاذ أحمد شوقير للينكاتكم - و بيتهيألي ده يمكن اللي هايخلي الموضوع ينتشر شوية -
+
هانقول المجموعة اللي ع الفايس بوك / هادخل أشوفها كمان شوية /

ده كله يعمل فرقعة وقتيه / مش منتشرة قوي ، لأن ناس كتير هاتكبر دماغها ، خصوصا مع عدم وجود لينكات نهائيا لا لمداونة جيفارا ، و لا لمداونة عوليس / و عدم وجود لينك مباشر لمداونة سامحوني - يعني اعذريني مين هايدخل يمقق عنيه في الصفحة اللي نصها كودات هوت ميل دي ؟

ده طبعا إضافة لأن كل بوست حد من اللي ناشرين الموضوع بيحطه جديد ، فده معناه تراجع يوم عن يوم للبوست اللي فيه ( امسك حرامي ) :) ، و خلاص --- هوووب ، الحكاية خفت و اتنست ، مع نشاط دايم ( للحرامي النشيط ) في المداونات التانية ، من تعليقات و كده ، و ممكن طبعا أغير الاسم من
vampire
لأي اسم تاني بعد ما الهوجة دي تخلص
و ممكن جدااا أدور على مداونات تانية بتتقفل غير التلاتة دول ، و آخد منهم بوستات برضة و بعملية تمويه بسيطة - لم أتعمدها فيما قبل - يبدو البوست كأنه خاص بيا تماما / مع التعليق عند الناس الجديدة في التدوين ، أو اللي أنا عارف انها مش بتدخل عند الناس اللي أخدت منها البوستات / متابعتي جيدة جداااا للمداونات على فكرة ، و عندي أجزاء من كل مداونة /
و أكمل نشاطي في أمان

الخلاصة أقصد
ع المدى الطويل أنا اللي أكسب مش انتم و لا الفرقعة المعمولة دلوقتي دي

ملحوظة :

مش هأحذف البوست ده اطمني ، و استشهدي بيه زي ما انتي عاوزة

:)

-

Vampire يقول...

أقصد التعليق ده
:)
لخبطوني

سلامـــــــــــــه يقول...

عزيزي مصاص الدماء
الموضوع ليس كسبا لك او لنا
الموضوع باختصار شديد
ارجاع الحق لاصحابه
وكشف الاحتيال والسرقه
وبعدين مفيش اسهل من انك تجيب دليل علي سرقاتك العديدة
حتي لو البوستات الاصليه اتحذفت
زي ما انا جبت كده وفضحتك عندي
ولو انت غيرت اسمك وغيرت المدونه يبقي احنا نجحنا
لانك ساعتها هتبقي بتعترف اننا قدرنا نفسد تخطيطك
ونفقدك احترام الناس اللي هما بنوه بناءا علي كتاباتك المسروقه
وحتي لو مارست مهمتك زي ما انت بتقول بعد كده
فاكيد هتلاقي احدهم متابعا للبلوجات المسروقه ويستطيع كشف مخططك الدنيء
حتي لو عن طريق الصدفه البحته
واعتقد اننا بذلك نرد جزء من الحق لاصحابه
.................
عزيزتي
ma3t
دمتي بكل ود
.................
عزيزي الحقير
مصاص الدماء
دمت بكل احتقار ومذله

karakib يقول...

vampire ya 7abiby el modawana mosh bi 3adad el ta3li2at elly fiha
el modawana bi 3adad zowarha
masalan masalan 3andy ay mawdo3 bel ktir fih 30 comment
enama fy average 80 wa7ed byygo ye2ro wy yemsho zay ma el 3adad by2ol wy dih ma3loma lik 3ashan te2adar el fedi7a elly 7asalet lak kowayes
wy bema enak 7aramy wy mo3taref bi dah
leih ma te3melsh modawana wy tsamy nafsak 7aramy el modawanat wy onshor bi ra7tak wenta bet2ol gebt el masro2at min fein !??