الأربعاء، مارس 07، 2007

لحظة زرزرة

قمت متنرفزة من على السرير و رميت المخدة على الارض
وقفت فى وسط الاوضة بابص حوالية, ادور على حاجة افش فيها غلى
الموبايل رن : يوووه! هى ناقصاه دلوقتى! انا زهقت
رايحة ناحية الموبايل الغى صوته و اهبده فى اى حتة ,لقيت اسمك فى الشاشة بينور و يطفى
الابتسامة خطفتنى: لأ ما زهقتش
و بمياصتى المعتادة اللى بتجننك منى, رديت: الو

هناك 4 تعليقات:

Omar Mostafa يقول...

حالة تجلّي بنانيتي معتبرة، ولا اصدق يعني

karakib يقول...

ها و طلعت النمرة غلط و لا أيه
:p

Ma3t يقول...

omar mostafa
لا وحياتك, حالة هبل
:)

كراكيب
:P

Omar Mostafa يقول...

إذن.. ربنا يشفي يا فندم :-)