السبت، يونيو 09، 2007

الضفادع تغزو المقطم

بسسسست! كلمة السر : الضفدع فى الكابينيه
ايه؟!!
فى الكابييينيييه!
؟؟!!



فى زيارة للكائن الغامض فى الهضبة
كانت عايزة تدخل الحمام
عادى, ساكنى العالم اسفل الهضبة بيحتاجوا الحمام من وقت للتانى




سيبكو منها دلوقتى
ارجعوا للحمام كدة
بصوا فيه

لأ لأ بصوا كويس
ايوة جوة الكابينيه

شايفين

ضفدع بيبلبط فى المياه
فى الهضبة
دخول الحمام مش زى خروجه
:)
تحديث: صورة الضفدع اللى لقيناه
و اللى واضح انه قرر يتبنى الكائن الغمض و عيلته, لانه رجع تانى النهاردة للحمام يتفقد الامور :)

هناك 9 تعليقات:

Dananeer يقول...

:$
و طلع ازاى؟؟؟

انا طول عمرى كنت باتخيل ان ممكن يطلع منه تماسيح مش ضفاديع

Shamoussa يقول...

بسسسست ، أنا بأحب الضفادع قوي.. ياما شرحتهم.. أكيد هما ما بيحبونيش

أحمد يقول...

بصفتى خبير في الحمامات العامة والخاصة
فأنا بنصح الآنسات باستمرار
باستخدام حمامات الدور العلوى في الهضبة
وبالحذر وقت استعمال حمامات الدور الأسفل
ويفضل الانحناء حين الدخول والخروج، لأن غالبا ما ستتعرض للأرتطام بسقف باب الحمام او الكعبلة في عتبته

محمد ثروت الجابري يقول...

يابختك

أحمد يقول...

ممكن نعمل رحلات سياحية للهضبة لزيارة الضفدع

الست نعامة يقول...

اقترحت يحطوا يافطة ع الباب: "احترس من الضفدع"
هتكون ظريفة :-)

Ma3t يقول...

dananeer
هيهي لسة ماطلعش. غالبا المرحلة الجاية تماسيح صغننة كدة


shamoussa

انا كمان باحبهم, و اما شرحتهم فى الكلية طبعا, بس كنت باداعهم و انا باشرح عشان ما يزعلوش اوى

احمد
هيهى ده انت خبير و ملم بكل التفاصيل
انا موافقة على الرحلات السياحية طبعا, و مستعدة انظمها كل يوم, انتوا تشوفوا الضفدع و انا ازور الكائن الغامض

:)
محمد ثروت الجابرى
يا بخت الكائن الغامض, مش انا, هو اللى عنده ضفدع فى الحمام
:)
الست نعامة
اولا سعيدة بانك شرفتينا :) و انا عارفة طبعا ان الست نعامة بتتابع اخبار كل الحيوانات حتى اللى سابوا الغابة و راحوا الحمام

هم فعلا اخدوا بنصيحتك و حطوا يافطة جوة الحمام , مسلية جدا :)

LFM يقول...

:)

Maxxed`ouT يقول...

الرسومات جامده فشخ

هاهاهاها