و كمان خلصت الكوباية!

صحيت الصبح في حالة سهتنة و بادندن لنفسي
عملت كوباية شاي بالنعناع و قعدت على الكمبيوتر
فجأة لقيتني هاتأخر على الشغل و كوباية الشاي تقريباُ ماتشربش منها حاجة
افتكرته و هو بيقوللي انه من هنا و رايح هيعملي نص كوباية بس عشان عمري ما بأخلص كوباية الشاي بتاعتي
شوفته في دماغي بيبتسم بانتصار. اربعت كل كوباية الشاي على بق واحد, طلعتله لساني و بوست الخاتم اللي في ايديا, و جريت عشان الحق الشغل.