الجمعة، يونيو ٢٦، ٢٠٠٩

الأحد، يونيو ٢١، ٢٠٠٩

و كمان خلصت الكوباية!

صحيت الصبح في حالة سهتنة و بادندن لنفسي
عملت كوباية شاي بالنعناع و قعدت على الكمبيوتر
فجأة لقيتني هاتأخر على الشغل و كوباية الشاي تقريباُ ماتشربش منها حاجة
افتكرته و هو بيقوللي انه من هنا و رايح هيعملي نص كوباية بس عشان عمري ما بأخلص كوباية الشاي بتاعتي
شوفته في دماغي بيبتسم بانتصار. اربعت كل كوباية الشاي على بق واحد, طلعتله لساني و بوست الخاتم اللي في ايديا, و جريت عشان الحق الشغل.

الخميس، يونيو ١٨، ٢٠٠٩

الجمعة، يونيو ١٢، ٢٠٠٩

In love


I am melting in love

الجمعة، يونيو ٠٥، ٢٠٠٩

اكتشاف متأخر

النهاردة طلعت كل كشاكيل خواطري و قعدت اقلب فيها
9 سنين من الحواديت و الاحداث و الاعترافات الصغيرة
9 سنين باكتب بخط ايدي عن اللي انا حساه, عن مخاوفي و عن اللي نفسي فيه.
رسائل لحبيب بعيد, لأعز صاحبة, و لبطل أسمر حليوة

و انا باقرا تناتيف من الحياوات الكتيرة اللي عشتها قبل كدة, اكتشفت حاجة رعبتني:
انا عمري ما ميزت الحد الفاصل بين حياتي و بين خيالاتي

الأربعاء، يونيو ٠٣، ٢٠٠٩

حُب بطيخي


باحبك زي البطيخ تمام ,

بطفاسة و ماحبش حد يشاركني



الاثنين، يونيو ٠١، ٢٠٠٩

عن الحلزون و ضلالات أخرى

الحلزون

كائن اسطوري يعيش في عزلة فوق جبل شاهق. يتمتع بحكمة السنين و خلص النت مرتين. يلجأ لمشورته الكثير من المشاهير, أبرزهم الحج ويكيبيديا , اطال الله في عمره.
يجزم البعض أنهم رأوه يمش مختالا في أبو قتادة, و يحلف اخرون انه لم يبرح الجبل قط و أنه يتفقد أحوال الرعايا من خلال بلورة سحرية و مارد عفريت يستدعيه بتمتمة "غوغل" مرتين بعد الغرغرة.

في حطام ميكروباص طائر من كوبري السيدة عائشة, وجدت مخطوطة لرحالة بلاد الشام الشهير ايهاب جعفر, اتى فيها على ذكر الحلزون بعبارة مبهمة لم يستدل على فحواها حتى الان هي " الحلزونة ياما الحلزونة"

الكائن الجين أو الجنجون

يرجح الخبراء انها هلوسة جماعية اصيب بها الكثير من خيرة شباب مصر
نتيجة لتعرضهم المستمر للسحابة السودا أوChronic Aegyptocobia.

ان خُيل لك انك رأيتها, فربما كان من الأفضل لك و للاخرين ان تلجأ لطبيب مختص. و نرشح لك عزيزي المهلوس الدكتورة رضوى أسامة المستشارة الخاصة للطبقات الكادحة من الشعب. الكادحة جداً ;)

انتبه! لقد تم تنشيط برنامج التدمير الذاتي. التدوينة على وشك الانفجاااار
ان ان ان تش!